за

Редок Bugatti Type 57S се проценува на осум милиони евра

Утре во аукциската куќа Bonhams ќе се одржи наддавање за последниот од 42 произведени примероци од Bugatti Type 57S. Автомобилот во последните 51 година беше во сопственост на британски авто-ентузијаст.

bugatti type 57s 1937 bonhams 21

Редок примерок од Bugatti од 1937 година, проценет на осум милиони евра, утре ќе биде понуден на наддавање во Велика Британија. Станува збор за последниот познат примерок од Bugatti Type 57S, изработен од каросериската работилница Corsica Coachworks.

Олдтајмерот во последните 51 година бил во сопственост на британски инженер и авто-ентузијаст. Возилото е врв во серијата автомобили што ќе бидат понудени на наддавање во рамките на „Легенди од улиците”. Утре ќе се бара нов сопственик за шест олдтајмери.

Шасијата на четириседот е изработена во Молсхајм во Алзас, а потоа со брод е испорачана во Англија. Возилото таму е довршено според желбите на купувачот Роберт Ропнер. Во Молсхајм биле изработени само 42 примероци од Bugatti Type 57S.

Висока сума се очекува и за историски Aston Martin & Co

На наддавањето ќе бидат понудени уште Aston Martin DB4GT Coupé од 1960 година, со вредност проценета на 2,1 милиони евра. Ferrari 275 GTS Convertible од 1965 година се очекува да го чини новиот сопственик до еден милион евра. Олдтајмерите се вредни колекционерски парчиња. Како најскап автомобил во светот важи црвен Ferrari 250 GTO Berlinetta од 1962 година. Тој во 2018 гопдина беше продаден за 48,4 милиони долари, што според сегашниот курсе околу 40 милиони евра.

>>> Цвета бизнисот на Little Car Company, производител на Bugatti Baby

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

tesla фабрика кина

Tesla ја смалува продукцијата на Model 3, чиповите доаѓаат од Тексас

porsche taycan cross turismo pretpremiera

Porsche Taycan Cross Turismo на пат кон целната рамнина