за

BMW ја подготви серијата R nineT за следната сезона

Збогатена опрема, финеси во дизајнот и поголема влечна сила. Четирите изведби во семејството мотоцикли BMW R nineT добија темелно освежување за напролет.

BMW ја подготви серијата R nineT за следната сезона

BMW Motorrad, култната марка мотоцикли, напролет ќе почне да ги испорачува четирите модели R nineT, R nineT Pure, R nineT Scrambler и R nineT Urban G/S во освежено издание.

BMW Motorrad пред седум години го претстави R nineT како родстер од класичен крој. Изгледот на класичните мотоцикли на BMW се комбинираше со современа техника, вешта изработка и бројни можности за дотерување по свој вкус.

Набрзо почна да се шири моделското семејство. Прва беше веријантата R nineT Urban G/S како ендуро во стил на легендарниот R 80 G/S од 1980 година. Потоа следеше R nineT Scrambler за мотоциклисти што ја ценат суштината на оваа посебна сорта, за да заокружи R nineT Pure како пуристичка изведба, сведена на основното.

Боксер моторот доби нови глави заради исполнување на EU-5 нормите, влече посилно при средни вртежи и има сменет изглед

Моќноста на моторот остана непроменета, на 109 КС, но има разлика во бројот на вртежи – претходно максималната моќност се постигнуваше при 7750 min–1, сега при 7250 min–1. Во вртежниот момент нема промени: 116 Nm при 6000 min–1.

Во главата на моторот е изведен нов систем за турбуленција, кој овозможува посилно вртложење на смешата, а тоа води кон подобро и почисто согорување, како и поголем вртежен момент. Техничарите ветуваат дека новиот мотор повлекува посилно во подрачјето меѓу 4 и шест илјади вртежи.

Стандардно се вградува ABS Pro заедно со DBC (Dynamic Brake Control), има нов амортизер со приспособливо придушување (WAD) и нови возни режими „Rain“ и „Road“

Тркалезниот инструмент доби нов испис, со лого на BMW и „невидливи“ контролни светилки, кога истите се неактивни. Стандард кај моделите R nineT се и новите бели трепкачи со диодна техника, заедно со предно светло со истата техника. Во обемот на испорака следи и USB-приклучок за полнење.

New photo by Automedia MK / Google Photos

Нова опција е режимот за возење Pro, заедно со дополнителниот режим „Dyna“ за R nineT и R nineT Pure, како и „Dirt“ за R nineT Scrambler и R nineT Urban G/S. Со овој режим се влијае врз динамичната контрола на тракција DTC, како и врз контролата на тракција во самиот мотор. Меѓу опциите се нуди и пакет за комфор, со режим за возење Pro, темпомат и грејачи на дршките на воланот. Има и светло за свијоци, како и дизајнерска опција за издувниот лонец.

Секако, врв во индивидуализацијата е „Option 719“, со традиционални и ексклузивни ставки. Во оваа посебна програма се нудат различни дизајни на тркалата и разни додатоци, вклучувајќи и делови изработени машински.

BMW R nineT

New photo by Automedia MK / Google Photos

BMW R nineT Scrambler

New photo by Automedia MK / Google Photos

BMW R nineT Pure

New photo by Automedia MK / Google Photos

BMW R nineT Urban G/S

New photo by Automedia MK / Google Photos

>>> BMW нуди карбонски тркала за своите мотоцикли

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

pirelli димензии на гуми низ историја

Како исчезна значењето на димензијата на гумите

Kia Sportage

Kia во октомври ја зголемила продажбата за 6,1 проценти