Производителите на автомобилски прибор и козметика не оставаат празнина на пазарот, без таа да биде пополнета со соодветен производ. Англискиот производител Autoglym нуди спреј за кабината на стариот автомобил да добие свеж мирис.
Мирис на влага, чад, остатоци од храна во кабината на автомобилот, ќе обесхрабри секого од намерата да купи таков автомобил. Професионалните сервиси нудат делотвотно чистење и освежување со коешто автомобилот ќе изгледа повредно и ќе биде попривлечен за следниот сопственик или сопственичка. Тоа значи дека ќе може да се постигне и повисока цена.
Меѓутоа, услугата на овие сервиси некогаш е превисока, во споредба со вредноста на автомобилот. Во тој случај се потребни поевтини и побрзи решенија. Производителот Autoglym нуди производ што е наменет точно за тоа, под името Spearmint Fogger. Според Autoglym, мирисот што се распрскува од боцата е свеж и чист, но и долготраен, што значи дека може подолго време да покрие присуство на некој непријатен мирис.
„Фогерот“ дејствува за само 10 минути, оставајќи пријатен и свеж мирис на ментол по примената. Целата процедура буквално се состои од еден чекор – едноставно се притиска чепот и боцата се остава да го распрскува мирисот во кабината, кој се впива во материјалите во внатрешноста на автомобилот. Мирисот намерно е ненападен, бидејќи корисниците на слични производи од други производители негодувале заради силниот мирис на истите.
Истражувањата на Autoglym покажале дека непријатната миризба е една од главните причини што ги наведува заинтересираните купувачи да се откажат од намерата да купат некој автомобил.
https://www.instagram.com/p/CKMoHYwj3cN/