за

Концептот Skysphere го прикажува изгледот на Audi во иднината

Не се менува само погонот на автомобилите, туку се менува и таканаречената архитектура на кабината, како и целото доживување на возењето. Audi ќе даде детална претстава како неговите луксузни автомобили ќе изгледаат и ќе функционираат во иднина.

Audi преку концептот skysphere ќе го прикаже првиот претставник од новото семејство од три концептни возила, со коишто марката со четирите прстени ја претставува својата визија за прогресивен луксуз во иднината.

Родстерот со електричен погон прикажува како ќе изгледаат возилата на Audi во иднината. Кабината на возилото прераснува во простор за доживување, а возилото станува средство за доживување, односно Experience Device како што кажуваат дизајнерите на марката. Возилото воедно станува дел од еден дигитален екосистем. Светот првпат ќе го види концептниот автомобил на Audi на 10-ти август, во рамките на дигитален настан.

Audi виртуелно ќе го прикаже skysphere concept за време на „Celebration of Progress“ на 10-ти август, со почеток во 19 часот. Менаџерите ќе зборуваат на настанот за трансформацијата на марката Audi и воедно за трансформацијата на премиум возењето. Шефот на Audi, Хенрик Вендерс, ќе стави нагласок на концентот на кабината и на целиот дигитален екосистем, којшто го сочинува различното доживување на мобилноста во иднината.

Новиот концепт на кабина, што Audi го нарекува Sphere (сфера), ќе биде обележје на идната генерација модели на премиум марката на Volkswagen.

>>> Audi со три концептни автомобили најавува револуција во дизајнот

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Huawei почнува партнерство со Volkswagen

Toyota Relax: Револуционерна 10-годишна гаранција за Toyota и Lexus во Македонија