за

Audi го чисти Дунав од пластиката во Будимпешта

Фондација на Audi, унгарскиот огранок на марката и Clean Rivers поставија пловечки собирач на отпад во Дунав.

Целта на партнерите во проектот е да се укаже на големиот проблем со загаденоста на реките во светски рамки. Собраната пластика ќе се рециклира и преработи. Audi досега има остварено бројни проекти од ваков вид.

Собирач на отпад што и самиот е изработен од рециклирана отпадна пластика е поставен по течението на Дунав во Будимпешта. Станува збор за проект на фондацијата за заштита на животната средина на Audi, унгарскиот огранок на Audi и организацијата Clean Rivers.

Audi соработува со холандската непрофитна организација Clean Rivers уште од 2018 година. Во рамките на истата се истражуваат нови начини за собирање на отпадот од реките и за враќање на природната рамнотежа. Воедно на јавноста ѝ се укажува на последиците од загадувањето на водите.

Слични собирачи на Audi и партнерите претходно се поставени во Ротердам и во каналот Шарлероа во Брисел

Повеќе од 90 проценти од пластиката што доспева во морските води доаѓа преку реките. Базенот за собирање е поставен во близина на Факултетот за технички и економски науки на Универзитетот Будимпешта. За разлика од вообичаените мрежи, собирачот на Audi поседува таква конструкција што не го попречува водното течение, односно рибите можат да испливаат надолу од базенот. На тој начин не се влијае врз живиот свет во водите.

New photo by Automedia MK / Google Photos

Clean Rivers од собраната пластика изработува предмети од општествена корист, како клупи со простор за растенија покрај нив. Audi пронаоѓа најразлични начини за сочувување и заштита на животната средина, меѓу другото неодамна беше организирана акција „плогинг“, во којашто вработените џогираа и притоа го собираа отпадот фрлен во природата.

New photo by Automedia MK / Google Photos

>>> Унгарската фабрика произведе 40 милиони мотори на Audi

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

тест на зимски гуми на ADAC 2021 година димензија 195

Голем тест на зимски гуми на ADAC: Димензија 195/65 R15

Бразил ќе произведува електрични автобуси со техника од Mercedes