за

Фабриката на Audi во Некарсулм доби 30 нови полначи за струја

Audi во минатите месеци постави уште неколку полначи за струја за електрични автомобили во Некарсулм, планот е до средината на 2021 да има 135 полначи.

Фабриката на Audi во Некарсулм доби 30 нови полначи за струја

Audi ги пушти во работа новите полначи за возилата на вработени и гости во фабриката во Некарсулм. Дел од полначите се достапни јавно, меѓу нив има и брзи полначи. До средината на 2022 година, нивниот број треба да се зголеми на 600 полначи.

Зелена струја за електричните автомобили во подрачјето на германскиот град Некарсулм. Audi ја прошири својата мрежа од полначи во и околу фабриката во градот. Во минатите неколку месеци беа поставени 30 нови полначи за струја, од кои дел се достапни јавно. До средината на 2022 година, на локацијата ќе стојат на располагање вкупно 600 полначи за струја. Сите се снабдуваат со енергија од обновливи извори.

Нови полначи се поставуваат во фабриката, но и на паркиралиштата за вработени и за гости. „Како автомобилска фабрика сакаме активно да им помогнеме на нашите вработени и на жителите во регионот, да се префрлат на електромобилност и се радуваме што даваме важен придонес за изградбата на инфраструктурата од полначи во регионот“, изјави директорот на фабриката Хелмут Штетнер.

До средината на следната година, вработените ќе можат да користат мрежа од 135 полначи за своите електрични автомобили. За јавноста летово беа поставени дванаесет полначи и два брзи полначи на паркиралиштата за посетителите на центарот Audi Forum, како и четири брзи полначи пред влезот број 2.

Брзите полначи располагаат со моќност до 320 kW. На овие полначи, батеријата на Audi e-tron 55 се полни за 30 минути од 5 до 80 проценти. За енергија за околу 110 километри, за овој модел се потребни само десетина минути. Овие почначи им стојат на располагање на сите возачи на електрични автомобили и се користат со обична картичка.

>>> Audi e-tron GT се произведува исто како суперавтомобил

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

volkswagen golf id3 автомобил на годината во германија

Volkswagen Golf и ID.3 победници на Автомобил на годината во Германија

Две дами на пустинско рели со Kia Telluride

Две дами на пустинско рели со Kia Telluride