за

Каскадерски Aston Martin DB5 продаден за 2,9 мил. фунти за јубилејот на Џејмс Бонд

Три автомобили Aston Martin донесоа 3,5 милиони фунти во добротворни цели на наддавањето во чест на 60 години Џејмс Бонд.

Репликата на Aston Martin DB5 што била користена за каскадерски сцени во филмот се продаде за 2,9 милиони фунти, на наддавањето во Кристис во Лондон. Средствата ќе бидат насочени во кралскиот фонд за поддршка на агенциите за разузнавање и специјалните сили на Велика Британија.

Aston Martin DB5, што светот го гледаше во каскадерските сцени во „No Time To Die, донесе 2.922.000 фунти во корист на наддавањето во добротворни цели, одржано во Кристис во чест на 60-годишнината на филмовите со Џејмс Бонд.

Тоа е еден од трите модели на Aston Martin што беа понудени на наддавањето и се наоѓаше во сопственост на Aston Martin Lagonda. Автомобилот постигна многу повисока вредност отколку што се проценуваше, а новиот сопственик/добротвор наддаваше преку телефон.

Скапиот каскадерски автомобил е еден од вкупно осумте автомобили што биле изработени посебно од Aston Martin за снимањето на No Time To Die (2021). Секој автомобил бил констуриран посебно, за сцената што била предвидена со нив да биде изведена беспрекорно. Репликата на наддавањето во Кристис располага со вртливи регистерски таблици, преклопливи светла, митралези и минофрлачи.

Овој примерок од DB5 се појавува во воведната сцена на филмот, со Џејмс Бонд (Даниел Крег) зад воланот и Медлин Свон (Леа Седу) на совозчакото седиште, во бркотницата по патиштата во Матера, Италија. Автомобилот прикажува исклучителни возни својства, додека двојката со висока брзина минува низ градот за да им побегне на гонителите, за Бонд на крајот да ги активира сокриените митралези.

Кинески Geely купи акции во Aston Martin

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Кинески Geely купи акции во Aston Martin

Maserati GranTurismo со цена на Ferrari, има и верзија 100% на струја