Членовите на Ф1-тимот на Mercedes доживеале оружен грабеж во Сао Пауло. Нападот се случил во петочната вечер, кога тимот се враќал од патеката Интерлагос до хотелот. Украдени се вредни предмети и патни исправи.
Меѓу осумте лица кои се наоѓале во минибусот нема повредени. Луис Хамилтон не бил во возилото. При нападот имало и пукотници, а на еден член на тимот му бил вперен пиштол в глава.
Меѓународната автомобилска федерација потврди дека обид за оружен грабеж бил извршен и врз едно од нивните возила. Постојат гласини дека биле нападнати и тимовите на Ferrari и Williams.
Во 2010 година имаше обид за оружен напад врз Џенсон Батон
Ова не е прв случај на оружен напад за време на тркачкиот викенд во Бразил. Пред седум години, Џенсон Батон, тогаш возач на McLaren, исто така беше нападнат во густиот сообраќај во Сао Пауло, но неговиот возач успеа да им побегне на напаѓачите.
Луис Хамилтон објави за случајот на твитер и меѓу другото бара организаторите на шампионатот и тимовите да преземат мерки за заштита од овие напади коишто се случуваат секоја година.
https://twitter.com/LewisHamilton/status/929325142018347008
https://twitter.com/LewisHamilton/status/929324708453060608