за

Единственото што ѝ недостигаше на оваа марка беше амбасадор

SsangYong Musso Fuzz

Ѕвездата на „Автомобилскиот СОС“ стана бренд амбасадор на SsangYong во Британија. Фаз Таунзенд е меѓу првите што ќе го вози новиот пикап SsangYong Musso на островот

Тоа што за корејскиот специјалист за теренски автомобили слушаме малку во последно време, не значи дека марката не е активна на поширокиот пазар. Напротив, со новата генерација на пикапот Musso и техничкиот близнак Rexton, SsangYong го напаѓа пазарот уште посериозно отколку досега.

Водителот и главен мајстор од познатото телевизиско шоу „Автомобилско СОС“, Фаз Таунзенд, стана амбасадор на SsangYong на британскиот пазар и ќе биде меѓу првите коишто ќе го возат новиот Musso. Продажбата на пикапот стартуваше минатиот месец, точно во времето кога на пазарот се јавува ново жариште.

Пикапите се новите теренци, поевтини и повеќе мажествени од светнатите СУВ-ови

Препознатливиот лик од ТВ-шоуто, што ги спасува старите автомобили во безнадежна ситуација, цени дека SsangYong Musso е најпогоден избор за неговиот животен стил. Фаз живее далеку од градските средини, кадешто основен предуслов е да се поседува пикап со погон на сите тркала. Секако дека во голем дел од изјавата на „амбасадорот“ Фаз се крие маркетинша порака: „Секогаш робусен и добро конструиран, SsangYong е растечка марка во Велика Британија, а нејзините модели денес се мошне добри во поглед на стилот, комфорот и опремата. Овој нов автомобил е навистина импресивен.“

SsangYong Musso Fuzz 2

Покрај ТВ-водителството во „Автомобилски СОС (Car SOS)“, Фаз е механичар и поранешен технички уредник на „Practical Classics“. Своевремено тапанар во група, тој учи да свири од локалниот џез музичар Ал Рид и дебитира на музичката сцена во 1977 година, на своја 12 годишна возраст. Во 1997 година, Фаз Таунзенд потпишува за Ехо Рекордс и го снима првиот албум „Far In“. Автомобилскиот СОС се емитува на каналот Национал Географик уште од 2012 година.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Opel Adam користено возило

Opel Adam е солиден избор за користено возило кај малечките

bmw x7 zavrsno testiranje

BMW X7 успешно ги заврши тестовите за преживување