„Моделите на Линк енд Ко ќе се продаваат преку дистрибутерите на Волво и марката ќе ја користи продажната и сервисна мрежа на поважните пазари,“ стои во соопштението што го издаде Волво на 30-ти март.
Волво наведува дека одлуката има за цел да се искористат синергиските ефекти, преку вклучувањето на марката Линк енд Ко во своите комерцијални дејности и во својот пазарен настап.
Партнерството воедно му овозможува на Волво да ја надополни својата понуда од модели и да го прошири кругот на купувачи, наведуваат од Волво.
Двете марки се насочени кон различен круг купувачи и сегменти, што прави тие да бидат природни партнери за соработка, објаснуваат Швеѓаните.
Линк енд Ко, исто како Волво, дел е од групацијата Џили. Моделите на Волво и Линк енд Ко веќе се продаваат преку ист дистрибутер на одредени локации во Европа.
Линк енд Ко лани регистрираше 9.571 возила во Европа, што е раст во споредба со 5.991 возила во 2024 година.
За споредба, Волво во 2025 продаде 332.226 возила, наспроти 368.836 возила во претходната година.
