Дали Мерцедес С-Класа навистина е најпродавана луксузна лимузина во Европа или можеби ќе изненади некои друго име? Колку купувачите што можат да си дозволат сé, ги интересира електричниот погон? Многу одговори во 5-от дел од серијата извештаи за најпродаваните сегменти на европскиот автомобилски пазар од јануари до јуни.

Мерцедес С-Класа ја делат само 10 примероци од второто место на најпродавани луксузни лимузини во Европа во првите пет месеци од 2025 година. Малку повеќе од 400 примероци ѝ недостигаат до првото место. Со вкупно 2.617 продадени примероци, на третото место, најголемиот Мерцедес не е престигнат ниту од најжестоките конкуренти БМВ или Ауди, туку од спортската марка Порше.

Најпродавана луксузна лимузина во Европа е Порше Тајкан. Електричен, што не може да биде повеќе електричен од тоа. Тајкан е прв со 3.035 примероци, пред уште еден модел на Порше, пред Панамера на 2-то место. Околу електричниот погон, несомнено е дека тој ги тангира милионерите, затоа што во Топ 10, електрични се уште БМВ и7, Ауди е-трон ГТ и Мерцедес Е-Ку-С.

Вкупно 15.808 најскапи лимузини за пет месеци на европскиот пазар, и тоа е дури и пад од 11,6 проценти во споредба со лани.

Исто толку љубопитност поттикнува и следниот сегмент, којшто им припаѓа на суперспортските модели, на басносновно скапите гран-туризма, односно на возниот парк во Монако и слични средини. Вкупно 9.444 модели од овој ранг,  што е за 6,8 проценти послабо во споредба со првите пет месеци во 2024 година. Треба ли да има изненадувања?

Во меѓувреме, ѕвездата на тестовите на Аутомедиа, новиот Ситроен Ц3 Еркрос

Зошто производителите повеќе не нудат купеа и кабриолети со достапни цени, како во времето на Голф Кабриолет, Пунто Кабриолет, 205 Кабриолет, или купеа од ковот на еден Рено Фуего? Одговорот е очигледен. Пазарот не ги бара или се далеку од тоа да имаат достапна цена. Единствен исклучок е Фолксваген Т-Рок, иако и тоа е со резерва, којшто држи половина од пазарот, но вистина е дека и тој наскоро ќе престане со производство. Останува главно Мазда.

Некогашните ѕвезди на европската автомобилска сцена, компактните ванови, денес се речиси сорта во изумирање? Обемот од 72.335 продадени примероци за пет месеци одговара приближно на една десетина од продажбата на класичните компакти, до коишто вановите по дефиниција се релативно блиску со цената. Меѓутоа, трендот покажува поинаку, со раст од 12,4% во првите пет месеци. Можно е дека купувачите што бараат простор и функционалност, почнуваат да загледуваат во вановите, место во СУВ-моделите, како подостапен избор.