Киа во април продаде 274.437 возила или за точно пет проценти повеќе во споредба со истиот месец лани. Годинава престојат важни новитети во понудата од модели на Киа, меѓу нив и новиот К4, којшто доаѓа на местото на Сид.
Корпорацијата Киа пријави дека во април има продадено за 5 проценти повеќе возила отколку во истиот месец лани. Овој раст се должи на воведувањето неколку нови модели во понудата на марката.
Меѓу главните двигатели на растот во продажбата, покрај традиционалните бестселери Спортаж и Селтос, се целосно електричниот компактен СУВ-модел ЕВ3, носител на насловот светски автомобил на 2025 година, исто како и пикапот Тасман.
Најпродаван модел и натаму е Спортаж, со 47.737 продадени примероци на светскиот пазар. По него вообичаено следи Селтос, уште еден СУВ-модел, што не е застапен на европскиот пазар, но е силен во САД и Азија, со продадени 25.543 возила, додека трет најпродаван модел е луксузниот СУВ Соренто, со 23.855 примероци.
Надвор од домашниот пазар, Киа продаде 223.113 возила или за 4,6 проценти повеќе од април 2025 година. Водечки модел во продажбата на Киа на пазарите надвор од Кореја, секако е Спортаж, со продадени 41.034 возила, пред Селтос со 20.442 возила. Моделот К3, којшто на неколку пазари се продава како Форте, заедно со лимузината К4, постигна 16.666 продажби во април.
На корејскиот пазар отпаѓаат 51.005 возила, што е раст од 7,4 проценти во споредба со април лани.
На домашниот пазар на Киа, не изненадува тоа што токму луксузниот Соренто е најпродаван модел, со 8.796 примероци. По него следи уште еден луксузен модел, кој уште не се нуди во Европа, МПВ-моделот Карнивал, со 7.592 возила. Дури на третото место во Кореја е Спортаж, со 6.703 возила. Од електричните модели, најпродаван минатиот месец беше ЕВ3.
View this post on Instagram
За понатамошниот тек на годинава, Киа предвидува да продолжи растечкото темпо во продажбата што го донесоа новите модели, на коишто сега им се придружи и електричниот ЕВ4.
За новините на Киа на македонскиот пазар уште нема службена потврда од менаџментот, меѓутоа е извесно дека пристигаат К4, во посебна изведба за Европа, на местото на Сид, како и Селтос, наследничка на Стоник. Се спомнува и електричниот ЕВ4. Македонските премиери на овие модели ќе имаат и дополнителна тежина во новоотворениот салон на Киа, без задршка најпретставителниот авто салон во Македонија.
