Тесла Аутомејшн, којашто произведува машини за специјална намена на три локации во Германија, ќе ја додаде и фабриката на Манц во Ројтлинген во својот производствен круг.
Со преземањето на фабриката во Ројтлинген, Тесла ќе ги обезбеди работните места на преку 300 вработени во Манц, заедно со движниот имот на компанијата, соопшти Манц.
Двете страни се договорија да не објавуваат поединости околу вредноста на зделката.
По преземањето, околу 100 вработени во Манц ќе ги изгубат своите работни места. Добавувачот вложи многу во технологија за производство на батериски ќелии. Компанијата објави стечај во декември, како последица од долготрајното слабеење на пазарот и големите загуби.
Тесла го зголемува својот капацитет во автоматиката на клучниот германски пазар, во обид да компензира за падот во продажбата на своите електрични автомобили во Европа.
Во минатиот месец, производителот од САД продаде за 45 проценти помалку возила, во услови кога расте побарувачката за електрични возила на европскиот пазар.
