Поплавите во Валенсија причинија ненадоместливи човечки загуби, а уништија и бројни возила. Калта што ја носеше поплавата направи десетици илјади автомобили, мотоцикли и камиони да останат неупотребливи. Некои возила сепак се покажаа поотпорни од другите, и со едноставна поправка ќе си продолжат со својот живот.
Меѓу преживеаните херои се најде и еден Мерцедес-Бенц 300Д од генерацијата В 123, во сопственост на Иван Фелиси Рубио, жител на Валенсија. Шпанскиот Ел Мундо пушти објава за овој случај, за којшто понатаму слушна цел свет.
Олдтајмерот произведен во 1978 година, еден е од неколкуте што се во сопственост на Иван, а поплавата го зафатила додека бил паркиран во гаража во Алгемеси, подрачје што беше силно погодено од невремето.
Мерцедесот беше целосно преплавен и се најде цел обвиткан во кал. Иван ја опишува сликата: „Улицата беше еден и пол метар под вода, замислете како изгледаше во гаражата“. Откако службите за помош ја испумпале водата од гаражата, сопственикот можел да провери во каква состојба е неговата миленичка.
Автомобилот бил целосно во кал, внатрешноста била мокра и во секој агол на возилото доспеала калта. Но, тоа не го спречило Иван, за возилото за неверојатно кусо време да го извлече од гаражата и да го врати во состојба како пред катастрофата. „Понесов акумулатор и алат и го стартував“, раскажува Шпанецот во објавата на Ел Мундо.
„Само го заменив акумулаторот, ја испуштив водата од моторот и го проверив маслото. Веднаш запали“, кажува Иван. „Единствено морам да го исчистам“. Среќниот сопственик се пожали само дека „километражата ќе биде најтешка“ да се исчисти, но „за среќа, тоа е автомобил за којшто има многу резервни делови.“
Коментари за случајот: „Спектакуларно!!!! неповторливо… само уште да се измие со чиста вода и ќе вози уште 500.000 километри“
Случајот со 123-та, жива легенда, поттикна поплава од коментари на друштвените мрежи, за квалитетот на старите автомобили. Иван го има сето право да оцени: „Луѓето се убедени дека електричните автомобили се иднината, и вооошто не се во право.“
@ivanfelisirubioestá semana subiré videos de como lo iremos dejando😁🤪
