Облогата на педалата за забрзување може да се откачи, да се заглави и да оневозможи возачот да запре или за забрза. Агенцијата за безбедност во сообраќајот во САД објави повик за сите произведени примероци од електричниот Тесла Сајбертрак да се вратат за поправка во сервис.
Масовниот сервисен повик за пикапот на Илон Маск следи откако тик-токерот Хозе Мартинез објави видео во коешто се гледа дека педалата за забрзување е заглавена и оневозможува контрола врз возилото.
Сопствениците на Тесла Сајбертрак мора да посетат сервис, каде што постоечката облога на педалата за забрзување ќе се замени со нова облога што нема да се откачи.
Во образложението на дефектот, Тесла наведува дека е направена „неодобрена промена, со тоа што средство за подмачкување (сапун) било применето за облогата полесно да се постави врз педалата за забрзување.“ Во истото понатаму се наведува дека „остатоците од средството за подмачкување ја смалиле прицврстеноста на облогата врз педалата.“
Според пријавата до Агенцијата за безбедност во сообраќајот во САД, Тесла првпат била запознаена со опасноста на 31-ви март годинава. По утврдувањето на проблемот, на 12-ти април е одлучено да се објави сервисен повик за Сајбертрак.
Испораката на Сајбертрак досега се одвива бавно, со помалку од 4.000 примероци откако Илон Маск свечено ги предаде првите возила на 30-ти ноември лани.
My original video #tesla #cybertruck #pedal pic.twitter.com/Gq78pcohgK
— Jose martinez (@Chepimartinez) April 19, 2024
Тесла и без тоа има проблем со побарувачката за своите возила, затоа што во првото тромесечје биле испорачани само 386.810 возила, што е за 8,5 проценти под истиот квартал лани.
Агенцијата добила три пријави на овој вид дефект од сопственици на Сајбертрак, откако каналот Си-Ен-Би-Си го објави видеото на Мартинез.
⚠️ Recall Alert
Certain 2024 Tesla Cybertruck vehicles.
Recalled for unintended acceleration from trapped pedal.https://t.co/rjX4i0jZcH— NHTSA Recalls & Ratings (@NHTSArecalls) April 19, 2024
