Шведскиот производител на батерии Нортволт подигна кредит во вредност од 5 милијарди долари, што е најголема зелена позајмица во Европа. Компанијата планира да ја прошири својата фабрика за батерии за електрични автомобили во северна Шведска.
Нортволт сега има обезбедено повеќе од 13 милијарди долари во сопствен капитал и заеми, за да го прошири својот бизнис во Шведска, Полска, Германија, САД и Канада.
Новиот заем, којшто вклучува и рефинансирање на долг од 1,6 милијарда долари подигнат во 2020 година, го обезбедува група од 23 комерцијални банки, заедно со Европската инвестициска банка и Нордиската инвестициска банка.
Компанијата претходно направи заем во вредност од неколку милијарди долари од инвеститори, како БлекРок, Канадски пензиски фонд, Голдман Сакс, концернот Фолксваген, Бејли Гифорд, Сведбанк Робур и сингапурски ГИЦ.
Шведската компанија има нарачки вредни преку 55 милијарди долари од низа производители на автомобили и камиони, вклучувајќи ги Волво, Фолксваген, БМВ и Сканија.
Announcing the signing of a $5 billion project financing to enable the expansion of Northvolt Ett gigafactory in northern Sweden, and its adjacent recycling plant, Revolt Ett — the largest green loan raised in Europe to date. Full press release ↓https://t.co/fKSiKYEVwX
— Northvolt (@northvolt) January 16, 2024
Повикувајќи се на неименувани извори, Ројтерс претходно објави дека Нортволт се подготвува за старт на берзата, со вредност на компанијата што може да надмине 20 милијарди долари.
