Ирачкиот министер за нафта Ихсан Абдул Џабар, во интервју за именитиот Њујорк Тајмс, посочи дека членките на ОПЕК, Организацијата на земји извознички на нафта, покажуваат загриженост од можното зголемување на интересот за купување електрични автомобили, поради рекордно високите цени на нафтата.
Џабар во интервјуто за американскиот весник открива дека ОПЕК планира во следниот месец да го зголеми производството за 400.000 барели нафта дневно. Ирачкиот министер сепак е загрижен дека високите цени може да доведат до намалување на побарувачката за нафта. Уште полошо сценарио за земјите членки на ОПЕК би било скапата нафта да го забрза преоѓањето на електрични автомобили и да ја намали зависноста на државите ширум светот од увозот на нафта.
Во состав на ОПЕК Плус влегуваат 23 држави, вклучувајќи ја Русија. Организацијата е трет најголем производител на нафта во светот. Џабар за американскиот весник открива дека тие се „среќни во краток рок, но не се среќни ако ситуацијата потрае.“
Цената на нафтата и гасот порасна по конфликтот меѓу Русија и Украина. Но, во исто време цената на нафтата почна да бележи пад поради новиот бран на Ковид-19 во Кина. Во почетокот на неделава, во вторникот, цената на нафтата се спушти под 100 долари за барел. Глобалното мерило за цената на нафтата, брент нафтата, поевтине за 7,4 проценти, на 99,91 долари за барел.
Oil Minister Ihsan Abdul Jabbar said Iraq and other Middle Eastern producers were concerned high prices could lower demand or even hasten the transition to #EV s, reducing reliance on oil.
“We are happy in the short term, but not happy if this lasts.”— macadamia man (@macadamia_man) March 11, 2022
Џабар се пожали дека во последните две години се вложува малку во енергетиката во регионот на Персискиот Залив, поради пандемијата и намалената побарувачка за нафта. Ирачкиот министер цени дека е потребно да мине долго време, за производството да се зголеми во значителна мера.
We are not fools. The prices of petroleum products are the result of manipulation and have little to do with the prices of crude oil. Their price depends on geopolitics and wars. Just as fake pandemics benefit the pharmac. industry, so wars bring huge profits to the oil industry. pic.twitter.com/xsAdUnDEgH
— Mislav Kolakusic MEP 🇭🇷🇪🇺 (@mislavkolakusic) March 15, 2022
Ирак како еден од најважните производители на нафта во светот, може да го зголеми сопственото производство на нафта за само 40.000 барели дневно, меѓутоа количината е само капка во глобалната побарувачка, којашто изнесува 100 милиони барели нафта дневно.
ЕУ вложува во три соларни електрани во Битола и железничко поврзување со Софија
