Со појавувањето на новата генерација на моделот во 2023 година, Штутгарт повеќе нема да произведува такси-варијанта од Mercedes E-Class. За германските таксисти, тоа е културна катастрофа.
Комуникацијата што се одвива меѓу дистрибутерите на Mercedes и такси-компаниите, открива дека изведбата за такси-превоз ќе биде укината во следната генерација на E-Class. Тоа го дознава германскиот неделник за екомомија Виртшафтсвохе.
Вработен во филијала на Mercedes што е одговорен за продажба на такси возила, им соопштува на „драгите таксисти“ дека Mercedes-Benz AG решиле изведбата „Das Taxi“ од E-Class да ја укинат со новиот модел што треба да се појави во 2023 година. Во следната година ќе се укине и такси-изведбата од B-Class, во моделското освежување што му претстои на компактниот ван.
Од Здружението на такси и рентакар компании на Германија, се обратиле до шефот на Mercedes, Ола Келениус. Во нивниот допис се наведува дека укинувањето на E-Class во такси изведба ќе биде „катастрофално“. Таков чекор би довел до „тешко нарушување на соработката меѓу здружението и Mercedes-Benz“, се наведува во писмото што е испратено до Виртшафтсвохе.
„Das Taxi“ bei der Mercedes E-Klasse soll mit dem neuen Modell 2023 eingestellt werden. Der Taxi- und Mietwagenverband Deutschland reagiert entsetzt. Der Wegfall der E-Klasse als Taxi sei „katastrophal“. https://t.co/hc8Zi7cr2k pic.twitter.com/QKOhvNynl6
— WirtschaftsWoche (@wiwo) March 2, 2022
Од Mercedes соопштиле дека моментно се бараат најдобрите решенија со коишто ќе се одговори на потребите на такси превозот. „Во моментов се наоѓаме во фаза на сондирање за нов такси модел од патничката програма на Mercedes-Benz.“
Mercedes во почетокот на март го прекинал посебно поволното финансирање за нови такси возила. Досегашната каматна стапка за такси возила изнесуваче 2,99 проценти. Во иднина ќе се промени оваа стапка, односно такси возилата ќе се финансираат под помалку поволни услови.
Meet the Stuttgart taxi of the future: the brand-new Mercedes EQE. Mercedes launches the EQS's little brother, an executive and passenger express → https://t.co/8DBa0nReQ3 pic.twitter.com/k8BMeYwM8N
— Top Gear (@BBC_TopGear) September 6, 2021
Во такси браншата веќе се шпекулира дека Штутгарт веројатно планира овој голем огранок од своојот бизнис да го покрие со електричниот модел Mercedes-Benz EQE. Секако дека менаџментот на највредната автомобилска компанија во светот го има сето тоа испланирано вешто. Единствено е проблем тоа што E-Class како такси по германските улици е речиси културно наследство.
