Toyota најави старт на електричниот кросовер во средината на 2022

Новата серија модели со електричен погон на Toyota се води под ознаката bZ, што е изведено од „beyond Zero“, во смисла на отсуството на штетна емисија во секој поглед. Првиот модел е кросоверот bZ4X, што ќе биде понуден на глобалниот пазар веќе во средината на следната година.

Сцената будно ги следи потезите на Toyota во електричниот погон, Јапонците сепак први го воведоа електромоторот, како помош за класичните мотори да трошат помалку и соодветно да испуштаат помалку штетни материи. Хибридниот погон пред дваесет години се ценеше како преодно решение што ќе води кон целосна електрификација на погонот. Извесно е дека погонот со заедничка работа на ото-мотор и електромотор има уште долги години иднина, но е извесно и дека електричните автомобили ќе стануваат сé поприсустни во понудата од модели на Toyota.

Клучниот момент е кросоверот bZ4X, што сцената веќе го има видено, но досега беа познати само малку детали. Сега се знае сé, речиси. Првите две букви во ознаката доаѓаат од „beyond zero“ и укажуваат на тоа дека јапонскиот производител цели кон одржливо општество, за планетата Земја да им се остави на идните генерации. Toyota има поставено цел до 2050 година да ја сведе емисијата на СО2 од сите свои подрачја на делување на нула.

Хибридите, приклучните хибриди, батериските електрични и водородните електрични автомобили – Toyota паралелно ќе ги нуди сите видови погон

Серијата Toyota bZ ќе се состои исклучиво од модели со електричен погон, што нема да се нудат во друга погонска варијанта. Продажбата ќе се одвива глобално, во Кина, САД, Европа, Јапонија. Планот е веќе до 2025 година да бидат претставени седум модели од серијата bZ.

Возилата од серијата bZ почитуваат четири клучни гледишта: 

https://photos.app.goo.gl/w7sfiP27z9tiodta9

Ти и другите

Покрај комфорот во кабината, Toyota bZ ќе понуди нов животен стил и можност да се помине драгоценото време со семејството и пријателите

Ти и Твојот автомобил

Toyota bZ нуди единствено уживање во возењето

Ти и животната средина

Toyota bZ нема само да ја намали емисијата на СО2 и останати штетни материи, туку и позитивно ќе влијае врз животната средина

Ти и општеството

Toyota bZ цели кон создавање побезбедно општество во коешто секој ќе ужива умствено спокојство

Toyota bZ4X e електричен кросовер од средниот сегмент, во основата е пандан на RAV4, но чисто со погон на струја. Возилото користи посебна платформа што е наменета само за електричен погон и соодветно е именувана e-TNGA, согласно TNGA-платформите што ги користат моделите на Toyota со класичен и хибриден погон. Платформата ќе ја користи и Subaru, партнер во развојот на истата.

https://photos.app.goo.gl/rVHw2QHgaEVjC5uS7

https://photos.app.goo.gl/Dde7Zrivfi2Q7VUr8

Тоа што Toyota го нуди како посебност на својот електричен погон е т.н. степен на задржување на капацитетот, кој изнесува шампионски 90% по 10 години. Тоа значи дека по една деценија, батеријата уште ќе располага со 90% од капацитетот кога автомобилот излегол од салон. Во пат, тоа би значело 240.000 километри.

Во верзијата на Toyota bZ4X со преден погон, досегот според фабричките мерења изнесува околу 500 километри

Патниците ги очекува високо ниво на комфор, вклучувајќи и многу простор. Од задната клупа, до потпирачот за грб на предните седишта, bZ4X нуди 1.000 милиметри растојание, што одговара на лимузина од виша класа, односно Camry & Co. Кокпитот е низок заради пријатно чувство и обложен е целосно. Звучната изолација е веќе одамна совладана вештина во Toyota.

https://photos.app.goo.gl/gzd881k1Vikq6XhT6

Меѓу многубројните детали што ги открива Toyota за својот електричен автомобил, следниве се издвојуваат: Греење на кабината со топлинска пумпа, а првпат во Toyota и подно греење под стопалата на патниците напред.

Секако дека Toyota bZ4X располага со технологија што дозволува користење супербрзи полначи, со моќност до 150 киловати. Во таков случај, полнењето до 80% трае само 30 минути.

Електромоторот, погонските вратила и инвертерот првпат се интегрирани во заеднички модул во возило на Toyota

За погонот на сите тркала се користи технологија од партнерот Subaru, вклучувајќи режим X-Mode. Меѓу новините во Toyota спаѓа и поставувањето на инструментите да бидат видливи над воланот, слично како i-Cockpit на Peugeot. Во некои варијанти на кросоверот ќе се користи управување без механичка врска меѓу воланот и управувачкиот столб. Во тој случај и воланот повеќе не е класичен, туку личи на управувач од авионски кокпит. Точно 150 степени има меѓу двете крајни положби на „воланот“, што значи дека управуањето ќе реагира и на најмало завртување.

Возилото ќе се отклучува со телефонот, навигацијата ќе црпи податоци од облак, софтверот ќе се обновува самостојно

Во повисоките нивоа на опрема ќе се вградува соларен покрив, кој на годишно ниво ќе произведе енергија доволна да се извозат 1.800 километри. Тоа се во просек 5 километри секој ден. Сончевата енергија ќе се погрижи батеријата да не остане целосно празна, во  кога нема полнач во близина.

https://photos.app.goo.gl/1xWN1TRwhnWjvkUS8

За нивото што ќе го понудат системите за асистенција може слободно да се очекува многу, актуелните модели на Toyota веќе се издвојуваат од конкуренцијата во тој поглед, почнувајќи уште од Yaris, на нагоре.

Единствено не е објавена цената. Но, Toyota е глобален и голем играч, електричниот погон не ѝ претставува експеримент, а тоа значи дека цените нема да отстапуваат во насока во којашто не треба.

https://photos.app.goo.gl/QeMgq4ou3hghwi4t8

https://photos.app.goo.gl/SRKFBCa3ed67Ldz56

https://photos.app.goo.gl/d5x85RFCwyKuB9iu8

https://photos.app.goo.gl/7aZfdjENvyAMbVtS7

https://photos.app.goo.gl/LECChvJSV2jj468D7

https://photos.app.goo.gl/gLxPbhdmWpn485de7

https://photos.app.goo.gl/AaTwVJjaEcFoJBD77

https://photos.app.goo.gl/oH7aCaCchRr1S17dA

https://photos.app.goo.gl/DSzVgEQBgdqt8ViM6

https://photos.app.goo.gl/gyYwgmG6qbTMwTWe6

https://photos.app.goo.gl/wtnTE9SnweqKhYWH6

https://photos.app.goo.gl/gFLnBUfW2xk4RcPPA

https://photos.app.goo.gl/ZLy5NnCf8zktEvfW6

https://photos.app.goo.gl/ud314e88KQcwN7oy6

https://photos.app.goo.gl/9n1EyHg5Y9csnBZY8

https://www.youtube.com/watch?v=d9qp2eoOWCk

>>> Toyota лани продала 7,7 милиони возила, заработила 18 милијарди евра