Клиентите на Mercedes-AMG отсега имаат можност да го преземат возилото директно од новиот салон за испорака на автомобили во седиштето на марката во Афалтербах.
Со новиот салон за испорака на спортската марка AMG уште повеќе се засилуваат емоциите при преземањето на нов автомобил. Салонот е дел од програмата на Mercedes-AMG, којашто има за цел на клиентите и фановите да им се понудат најразлични статички и динамички формати за доживување на марката AMG. Носечкиот дел на таа програма се моментно шесте AMG Brand Center, посебни салони за ексклузивната марка на Mercedes-Benz.
Салонот опфаќа површина од преку 700 метри квадратни, што во внатрешното уредување се раководи според стилот што AMG го негува во своите возила. Неколку детали: Подот е обложен со специјален „леен“ асфалт, просторот е ослободен од секаков вишок детали, и секако, сé е во препознатливите бои за AMG.
Самата испорака на возила се врши во два издвоени простори со вкупно пет боксови за испорака. Два бокса се во ‚Paddock Club‘ во коишто се става нагласок на корените на AMG во мотоспортот и на тесната поврзаност со формула 1. Во тоа подрачје се испорачуваат посебно спортски модели, на пример Mercedes-AMG GT Black Series.
https://photos.app.goo.gl/fD9aH6rdUnr2iCwh8
Второто подрачје е ‚Business Lounge‘, во коешто може истовремено да бидат предадени до три возила. Клиентот сам избира како ќе се одвива чинот: Со ручок во AMG Private Lounge, разгледување на најновите модели во AMG Showroom или со посета на мануфактурата за мотори на AMG, заедно со расгледување на фабриката.
Самото предавање на нов автомобил од Mercedes-AMG се одвива под мотото „Unboxing your Star“
Предавањето на новите возила во салонот во Афалтербах, поради ситуацијата со пандемијата, во моментов е можно само за германските клиенти на AMG.
Светската продажна мрежа на Mercedes-AMG моментно опфаќа околу 600 AMG Performance Center и еден AMG Experience Center во рамките на самата тркачка патека Чекијанг во Кина. Најновиот центар беше отворен во септември во Сеул, Јужна Кореја. Останатите AMG Brand Center се наоѓаат во Грањск (Полска), Пекинг и Шангај (Кина), Сиднеј (Австралија), како и во Токио (Јапонија).
Разликата меѓу AMG Performance Center и шесте AMG Brand Center е во дополнителните изложбени површини, но и во посебна опрема, како AMG Game Zone или 3D-конфигуратор. AMG-експертите стекнуваат вештини преку обука во Германија.
https://photos.app.goo.gl/y2DY8irxVgP1A2rX9
https://photos.app.goo.gl/2FZqNh37xwixdSLU7
https://photos.app.goo.gl/NtdctQdVtSaCvcG46
https://photos.app.goo.gl/1JbF9qt9nLDcYBFh9
https://photos.app.goo.gl/ATLaZpewxQLiroKf6
https://photos.app.goo.gl/Az215CdTEU26ywxt5
https://photos.app.goo.gl/mszRxdAiojKFh5TRA
https://photos.app.goo.gl/XiQmHmP1e5fvsVSx8
https://photos.app.goo.gl/7WnKYdK95vpsQDWK8
https://photos.app.goo.gl/p2FiejGqHARPkKg37
