Kia најпродавана марка во Хрватска во септември

Stonic е главниот мотор на продажбата на Kia на хрватскиот пазар во септември. Со продадени 83 примероци, кросоверот со техниката од Rio е на третото место, но и останатите модели се држат солидно.

Пријатна вест за фановите на Kia пристига од хрватскиот пазар. Таму веќе извесно време се случува голем раст во продажбата на Kia, но трендот стана посебно воочлив со септемвриските резултати од продажбата. Kia е најпродавана марка автомобили на пазарот во Хрватска, што се вбројува меѓу поголемите пазари во регионот. Вкупно 249 продадени возила за еден месец, повеќе од партнерот во концернот Hyundai, кој заостанува со 228 возила. 

Споредба на динамиката на продажба со истиот период лани покажува единствен раст на Kia во Хрватска. Со раст од 66%, корејската марка има најголем скок во продажбата меѓу Топ 10-те марки во септември. Единствено Mazda на десеттото место има раст од 131 проценти.

Од 4-то место во септември лани, Kia годинава е на првото место. Вкупно за девет месеци, продажбата на Kia во Хрватска пораснала за 64,3 проценти

Во вкупната продажба во првите девет месеци повторно води Volkswagen со 5.217 примероци, пред традиционално моќните марки за хрватскиот пазар, Skoda (3.956 примероци) и Opel (3.166 примероци), но затоа Kia следи веќе на четвртото место, со 2.440 продадени возила до септември. Следат Dacia (2.314), Renault (2.141), Suzuki (2.124), Hyundai (2.103), Peugeot (1.828) и Toyota со продадени 1.548 возила за девет месеци.

Во конкуренција на модели, во првите девет месеци од 2021 година е најпродавана Opel Corsa со 1.691 примероци, пред Skoda Octavia со 1.545 и VW T-Cross со 1.278 примероци. Следат Dacia Duster (1.265), Dacia Sandero (1.033), VW T-Roc (989), Renault Clio (916), Suzuki Vitara ( 884), Hyundai Tucson (837) и Kia Stonic со 794 примероци.

Најпродавани марки во Хрватска во септември 2021:

Најпродавани модели во Хрватска во септември 2021:

>>> Тест · Kia Sorento 2.2 CRDi Premium