Се разгорува дебатата за дополнителните субвенции што САД планираат да ги воведат за електрични автомобили. Демократите предлагаат дополнителната субвенција да важи само за електричните автомобили што се произведуваат во компании во коишто работниците се организирани синдикално.
За електричните возила што се произведени во САД ќе се добива дополнителна субвенција во висина од 4.500 долари. Но, таа нема да важи за сите. Државата ќе исплаќа субвенции само за возила од компании чијшто работен персонал е здружен во синдикалната организација UAW. Оттаму нагласуваат дека „американските даночни пари треба да се плаќаат за производи што се произведени во САД“.
Дополнителната субвенција ќе важи единствено за возилата од големите американски производители General Motors (GM), Ford и Chrysler, затоа што единствено нивните работници членуваат во синдикатот UAW.
This is written by Ford/UAW lobbyists, as they make their electric car in Mexico. Not obvious how this serves American taxpayers. https://t.co/FUUXARHlby
— Elon Musk (@elonmusk) September 12, 2021
Реагира шефот на Tesla, Илон Маск, кој во својата објава на твитер наведе дека планираното поттикнување на продажбата на електричните автомобили доаѓа по диктат од лобистите на UAW и на Ford. Од друга страна, електричните автомобили на Ford се произведуваат во Мексико. Затоа Маск се прашува, како оваа субвенција „ќе им користи на американските даночни обврзници“.
Ford ќе произведува електрични автомобили во САД
Исто пристигнаа реакции од Toyota, од каде што негодуваат за плановите со коишто се ставаат во подредена положба половината од американските работници во автомобилската бранша, што не се организирани синдикално. Сличен тон доаѓа и од Honda. Двата јапонски концерни со децении имаат повеќе фабрики во САД, но нивните работници не членуваат во UAW.
Од Ford испратија соопштение до агенцијата Ројтерс, во којашто се наведува дека Ford ќе ги произведува F-150 Lightning и електричниот Transit во САД. Понатаму ќе следат и бројни други модели. Од Chrysler, којшто е дел од групацијата Stellantis, ценат дека со планираната субвенција „ќе се раздвижи пазарот, затоа што електричните возила ќе станат подостапни за поширок круг возачи во САД“.
За предлог законот ќе се расправа денес. Од буџетот за таа цел треба да се издвојат 3,5 милијарди долари.
What it feels like to ride in a @Tesla Model S Plaid. Thanks @MKBHD for making all the blood in my body rush straight into my face. pic.twitter.com/o0Y3kCxQcr
— David ImeI (@DurvidImel) July 16, 2021
