Концернот на Peugeot и Fiat најави дека до средината на деценијата ќе вложи повеќе од 30 милијарди евра во електрификацијата на својата понуда од модели.
Возилата со ниска емисија на штетни материи, каде што освен чисто електричните спаѓаат и приклучните хибриди, се очекува до крајот на деценијата да учествуваат со повеќе од 70 проценти во продажбата на нови возила во Европа. Нивниот удел моментно изнесува 14 проценти. Тоа го соопшти шефот на концернот Stellantis, Карлос Таварес, на денешната онлајн-презентација.
Концернот Stellantis произлезе од здружувањето на француската групација PSA со Fiat Chrysler. Во рамките на концернот спаѓаат 14 марки, кои имаат силно присуство на европскиот и северноамериканскиот пазар, вклучувајќи ги Opel, Citroen и Jeep.
Новата батериска хемија со цврст елеткролит ќе почне да се применува во 2026 година
Пред преоѓањето во следната деценија, електричните автомобили ќе располагаат со досег меѓу 500 и 800 километри. Брзината на полнење ќе достигне триесетина километри во минута. Тоа значи дека за пат од сто километри ќе биде пторебно автомобилот само три минути да остане приклучен на брз полнач. Според податоците од концернот, електричен автомобил по 2026 година нема да чини повеќе од автомобил со обичен мотор со внатрешно согорување. Таварес не посочи дали во калкулацијата се опфатени и евентуалните субвенции за електрични автомобили.
Секоја марка во концернот ќе користи различен слоган за својот напредок во електромобилноста:
- Abarth – “Heating Up People, But Not the Planet”
- Alfa Romeo – “From 2024, Alfa Becomes Alfa e-Romeo”
- Chrysler – “Clean Technology for a New Generation of Families”
- Citroën – “Citroën Electric: Well-Being for All!”
- Dodge – “Tear Up the Streets… Not the Planet”
- DS Automobiles – “The Art of Travel, Magnified”
- Fiat – “It’s Only Green When It’s Green for All”
- Jeep® – “Zero Emission Freedom”
- Lancia – “The Most Elegant Way to Protect the Planet”
- Maserati – “The Best in Performance Luxury, Electrified”
- Opel/Vauxhall – “Green is the New Cool”
- Peugeot – “Turning Sustainable Mobility into Quality Time”
- Ram – “Built to Serve a Sustainable Planet”
- Commercial Vehicles – “The Global Leader in e-Commercial Vehicles”
За сите марки и модели во рамките на концернот ќе стојат на располагање четири електрични платформи. Секоја платформа одделно дозволува продукција до 2 милиони возила годишно. Три варијанти на електрична погонска спрега ќе се користат за сите возила од концернот. Спрегата се состои од електромотор, преносник и инвертер. Овие модули ќе може да се изведат за преден или заден погон, како и за погон на сите тркала.
- STLA Small, со досег до 500 километри
- STLA Medium, со досег до 700 километри
- STLA Large, со досег до 800 километри
- STLA Frame со досег до 800 километри
Електрично Peugeot e-208 го прошета цело Мариово
