Семејно милениче е меѓу најнеобичните „работи“ што луѓето ги заборавиле кога го оставале стариот автомобил во замена и си заминувале со понов автомобил од подружниците на компанијата Motorpoint.
Motorpoint, најголем независен дилер со автомобили во Велика Британија, со понуда на автомобили стари до три години и можност за замена старо за ново, открива кои се најнеобичните предмети што биле заборавени во старите возила. Не се само предмети. Во некои случаи се заборавале и семејни миленичиња.
Тоа што луѓето заборавале клучеви, дозволи за паркирање, очила, кредитни картички, па и пари или полначи за телефон, сосем е вообичаено. Во следниот список, компанијата ги наведува најнеобичните предмети што ги наоѓале во возилата, откако британските возачки и возачи во еуфорија од новиот автомобил во итање си заминувале од плацот.
Топ 10 најнеобични работи што биле заборавени во автомобилите
- Куче
- Бала сено
- Колекција од DVD со содржини за возрасни
- Долна облека
- Венчални прстени
- Глави на кукли за фризури
- Дрво
- Забна протеза
- Цел сендвич
- Скара Џорџ Форман
Во повеќето случаи, заборавените предмети им биле вратени на сопствениците. Исто и домашните миленичиња.
