Renault Clio TCe 90 покажа најниски трошоци во споредбата на модели од градската класа што ја направи германскиот специјализиран магазин „Flottenmanagement”.
Во најновото издание на магазинот што им е редовно четиво на менаџерите на возни паркови, Flottenmanagement споредуваше 13 бензинци со моќност од околу 95 КС и со споредливо ниво на опрема.
Главните критериуми за оценување беа трошоците што настануваат во одреден период и при одредена километража, техничките податоци, опременоста и енократните трошоци при купувањето. На тоа се надоврзуваат и факти што се решавачки кај возните паркови, како што се густината на сервисната мрежа и гаранциите.
Renault Clio се издвојува најмногу во опременоста и во трошоците. Специјалистите на магазинот ја избраа моделската изведба во нивото Business Edition, што на германскиот пазар е посебно скроена за фирмите со големи возни паркови. Од опремата, посебно се ценат комплетната заштита со воздушни перници, самостојното запирање при опасност, блутут и климата. На тоа следат уште сензори за светло и за дожд, паркинг сензори, систем за навигација, магленки и грејачи во предните седишта. Кај техничките податоци се внимаваше најмногу на просечната потрошувачка, емисијата на СО2, досегот, зафатнината на багажникот и носивоста.
2-ро место за Ford Fiesta 1,0 l EcoBoost
3-то место за Škoda Fabia 1.0 TSI
