Американскиот производител на гуми Goodyear ќе ја зајакнува својата позиција на пазарот преку преземањето на конкурентот Cooper. Средствата се планира да бидат исплатени во готовина. Според процените на Goodyear, акционерскиот капитал вреди 2,8 милијарди долари, односно околу 2,3 милијарди евра.
На акционерите на Cooper ќе им бидат исплатени во готовина по 41,75 долари по акција, а на тоа дополнително ќе се пресмета и 0,907 удел на Goodyear. Тоа одговара на вредност од 54,46 долари по акција. Акциите на Cooper во петокот при заклучувањето на берзата вредеа по 43,77 долари.
Управниот одбор се сложил околу преземањето на компанијата. Тоа ќе заврши во втората половина на годината. Goodyear има околу 62.000 вработени, додека Cooper е значително помал, со околу 10.000 вработени. На американскиот пазар му припаѓа петтото место. Заедничкиот промет на двете компании во 2019 година изнесувал 17,5 милијарди долари (14,4 милијарди евра).
За споредба, Continental во САД вработува 100.000 лица во индустријата за гума и пластика, и во 2019 година во земјата постигнал промет во висина од 18 милијарди евра.
https://www.instagram.com/p/CLHv1trHjLs/
>>> (вест во 2020) – Трамп бара да не се купуваат гуми Goodyear
