Škoda Octavia е автомобил на годината во Велика Британија, во Германија, Австрија, а сега и во Швајцарија. Бестселерот на чешката марка го понесе насловот на „Switzerland’s Favourite Car of 2021“.
Прва победа за Škoda, за моделот од четвртата генерација на Octavia во изборот за „Swiss Car of the Year“ што се одржува десета година. Повеќе од 25.000 читатели и онлајн-посетители учествуваа во изборот организиран од неколку медиуми во Швајцарија. Škoda Octavia победи со 9,6% од гласовите во силна конкуренција од 47 нови модели.
Десетти пат, Schweizer Illustrierte, AutoScout24, Blick, L’Illustré, Il caffè и SonntagsBlick, организираа читателско гласање за „Најпосакуваниот автомобил во Швајцарија“. Поради пандемијата, прогласувањето на победниците се одржа во виртуелна форма. Škoda Octavia четири години во низа е најпродаван автомобил во Швајцарија.
Досегашните награди за Škoda Octavia
- Auto Express (Велика Британија): “Car of the Year” & “Compact Family Car” во изборот за “Auto Express New Car Awards”, вклучително и наслов за “Estate Car” за Octavia Combi.
- Австриска автомобилска асоцијација: “Car of the Year” & победник во категорија “Medium” за возила меѓу 20.001 и 50.000 евра
- Auto Zeitung (Германија): “Auto Trophy 2020” за најпосакуван увозен автомобил во компакт класа и “Best Compact Sports Car – Imports” за изведбата Škoda Octavia RS.
- Auto Bild Allrad & AUTO Straßenverkehr (Германија): “AWD Car of the Year” во категорија до 40.000 евра и “Family Car of the Year” во категорија за “Best Design” за возила до 25.000 евра.
>>> Skoda Octavia е автомобил на годината според Auto Express
