за

Во Женева сто години се одржува автосалонот, годинава само малку изложувачи

Автомобилскиот салон во Женева отвора кон завршетокот на февруари и ќе одбележи стогодишнина. Иднината е неизвесна.

Покрај скромниот број на изложувачи за јубилејното издание на автосалонот во Женева, под знак прашање е дали овој некогаш посебно важен настан за автомобилската сцена ќе се одржи повторно.

Женевскиот автомобилски салон по четири години пауза поради пандемијата, почнува од ново. Салонот воедно одбележува и голем јубилеј, 100-годишнина од првиот собир на автомобилската индустрија покрај брегот на Женевското Езеро. Покрај исклучително скромниот број изложувачи, годинава нема посебна причина за славење.

Организаторите на салонот и покрај тоа зборувуваат за „ГИМС Риборн“ и веќе го најавуваат следното издание на женевскиот салон за 2025 година. Паралелно со тоа, во Катар во 2025 година ќе се одржи и второто идание на ГИМС Катар. Тоа официјално го потврдија организаторите Женева Интернационал Мотор Шоу (ГИМС).

Како и вообичаено, салонот почнува со ден за новинарите. На 26-ти февруари ќе биде објавен и автомобилот што ќе ја понесе титулата на Европски автомобил на 2024 година.

Меѓу поважните новитети во Женева е електричниот Рено 5. Шефот на концернот, Лука де Мео, сосем е извесно дека ќе биде меѓу најмногу бараните личности за интервју на салонот.

Скромен списокот на учесници

Некогаш во Женева во почетокот на годината се собираше целата европска автомобилска бранша, а им се придружуваа и Јапонците, Корејците и по некој егзотичен производител од САД. Но, тие времиња минаа.

Во 2024 година во халите ќе изложуваат само четири вистински големи производители на автомобили: Рено и Дачиа, и кинеските БИД и МГ Мотор.

Една од повозбудливите премиери има американскиот производител на луксузни електрични автомобили Лусид. Тие имаат сериозни планови за Европа.

Целосниот список на компании што ќе учествуваат:

  • Аутомобил Клуб де Свис (АЦС)
  • Асура
  • Ауто-и-ДАТ
  • Бивеј
  • БИД
  • Керсофт Глобал Лимитед
  • Класикс Леџендс Мотор
  • ДАБ Моторс
  • Дачиа
  • ЕреЕре ФиориСерие
  • ФИА
  • Формула 1 Мерчандајзинг
  • ГП Моторспорт
  • Исузу
  • Кимера
  • Лазарет
  • Леџендс Магазин
  • Лусид
  • Мартин Енглер
  • МГ Мотор
  • Микролино
  • Пининфарина
  • Рејс Ворлд
  • Рено
  • Шенцер
  • Сајленс
  • Свис Рејсинг Лаб
  • Туринг Клуб Свис (ТЦС)
  • Тотем Аутомобили

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Порше купи акции во бундеслигашот Штутгарт

Во европското седиште на Грејт Вол: Менаџерите со високи плати, но понижени