Вирусот WannaCry поштеди стотици австралиски возачи од казна

Хакерите што го создадоа вирусот WannaCry ненамерно им помогнаа на австралиските возачи да избегнат плаќање казна за брзо возење.

Околу педесетина камери за надгледување на сообраќајот, од кои повеќето во центарот на Мелбурн, биле заразени со штетниот софтверски код WannaCry. Службеник кој бил вработен на одржување на мрежата од камери без знаење го вчитал вирусот во системот користејќи USB.

Благодарение на WannaCry, околу 600 возачи нема да платат казна

Полицијата во сојузната држава Викторија морала да поништи близу 600 казни за пребрзо возење и минување на црвено светло, иако не постои сомневање дека прекршоците биле направени.

https://twitter.com/BecksfordCyber/status/879373557117194240

Чуварите на редот по улиците во Мелбурн објаснуваат дека го презеле овој чекор за возачите да не изгубат доверба во веродостојноста на функционирањето на системот од камери за надгледување на сообраќајот.

Вирус го стопираше производството на Honda во Јапонија

Најчитано

Идниот Bentley Flying Spur на платформа од Porsche Panamera

Полицијата го открила присуството на вирусот во мрежата откако утврдила дека камерите рестартираат почесто од вообичаеното. Вирусот WannaCry ги зарази компјутерските мрежи во институциите и организациите во повеќе од 150 држави низ светот во минатиот месец.

Меѓу погодените се најдоа и Националната служба за здравје во Велика Британија, гигантот за достава на пратки FedEx и министерството за внатрешни работи на Русија.