за

Одборот на VW го продолжи договорот на Дис за уште две години

Надзорниот одбор на Volkswagen даде зелено светло за новата стратегија на концернот. Шефот др. Херберт Дис го продолжи договорот до 2025 година.

 

Др. Херберт Дис останува прв човек на концернот Volkswagen до октомври 2025 година. Тој ќе раководи со најголемиот производител на автомобили во Европа до својот 67-ми роденден.

Денешниот настан во Волфсбург имаше за цел надзорниот одбор на концернот Volkswagen да се запознае со стратегијата до 2030 година. Контролниот гремиум оцени дека стратегијата „New Auto“ нуди солидна основа за раст и даде одобрение за истата. Целта е концернот да ја презеде водечката улога во електромобилноста во светски рамки, како и во софтверот што практично е „мотор“ на новиот свет на мобилноста.

Volkswagen веќе шеста година напредува одлично кон лидеството во електромобилноста, така што тежиштето во следните години ќе биде поставено повеќе на развојот во подрачјето на софтверот. Главната улога му припаѓа на автономното возење. Се предвидува дека автономното возење во следните десет години ќе придонесе за удвојување на автомобилскиот пазар, заедно со останатите услиги за мобилност што се софтверски базирани.

Своевиден клуч во реализацијата на стратегијата до 2030 година е „People & Transformation“. При преоѓањето од класичен инженерски и експертски концерн, во технолошки концерн што ќе вклучува уште бројни работни полиња, решавачки фактор ќе биде воведувањето флексибилност во работењето.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Австрија ќе казнува со 5.000 евра за пребрзо возење

Приватниот Mustang на Стив Меквин наскоро на аукција