за

VW Bulli првпат како модел-автомобил од Playmobil

Култното комбе на Volkswagen, познато и како „самба-бус“ или хипи-бус“ заслужи место во светот на минијатурите на Playmobil.

VW Bulli првпат се нуди како модел-автомобил од Playmobil, во размер 1:18. Посебноста на мини-бусот е во присуството на бројните ситни детали, кои се задржани од оригиналниот T1 од 1962 година, во изведба како возило за кампување.

Playmobil има нов автомобил во својата понуда: Volkswagen T1 Camping Bus, намален 18 пати од оригиналното комбе, но затоа со задржување на сите детали. Колекционерите ќе се радуваат на мини-верзијата на Bulli, којашто е изработена во комбинација од беж и црвена боја. Специјалистот за минијатури од Цирндорф, Баварија, задржа бројни детали од оригиналното возило, при што имаше блиска соработка со Volkswagen.

Модел-автомобилот е изработен според вистински салонски примерок од 1962 година, имено од T1 Camping Bus „Henrik the Red“, кој денес е дел од колекцијата на историски возила на марката комерцијални возила на Volkswagen. Минијатурата исто располага со клупа што се подигнува, а функционираат и масата и полиците. Во нив дури се поставени минијатури на прибор за јадење и чинии. Секако дека и под задниот поклопец е сé исто како во оригиналниот Bulli: Таму „работи“ четирицилиндарски боксер мотор.

Bulli се покажа како вистински погодок на Playmobil. Бројните фанови на светот на минијатурите, масовно објавуваа фотографии и видеа од „Camping Bus“, новиот член на нивната вредна збирка, на кого тие посебно се горди.

Уживањето во вистинскиот Bulli е можно и во вистинскиот свет, надвор од светот на Playmobil. Низ светот постојат бројни фирми, што изнајмуваат оригинални примероци од историското комбе на Volkswagen, кое ужива сличен култ како Beetle.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Салон за премиум користени од марките Audi и BMW се придружува на салонот за Mercedes

Audi e-tron

На струја четири од секои 5 нови автомобили во Норвешка во февруари