Англиската полиција фатила возач кој со автомобилот се движел двапати побрзо од дозволената брзина по лондонската обиколница М25. Неговото оправдување: Брзал за да не фати корона вирус.
Веродостојноста на целиот случај се потврдува преку објавата од сообраќајната полиција на твитер, во којашто се наведува: „Службеникот запрел возач кој по М25 возел со 210 km/h. Како причина за пребрзото возење, тој одговорил ‘мислев дека ако возам побрзо е помала шансата да фатам корона вирус.‘ Секако дека возачот ќе мора да одговара пред суд.
Британските полициски службеници наведуваат дека некои возачи го искористуваат тоа што патиштата се оптоварени помалку со сообраќај и возат пребрзо. Полицијата наведува случај, кога некој возач два дена по ред бил казнуван поради пребрзо возење, по делница на којашто е дозволено 65 километри на час. Во понеделникот тој прво бил запрен со 95 km/h, па во вторник му биле измерени 110 km/h.
An officer stopped a driver who was speeding on the #M25 at 130mph. His reply to why he was speeding was “I THOUGHT THE FASTER I WENT THE LESS CHANCE I WOULD CATCH CORONA VIRUS”. Driver reported to court. #slowdown pic.twitter.com/Snp6JEYpHf
— Roads Policing – Surrey Police – UK (@SurreyRoadCops) April 7, 2020
Уште еден интересен случај е со возачот кој патувал 350 километри од Ковентри до Салфорд за да земе прозорци што ги купил на Ebay за 15 фунти. На враќање, неговата сопруга морала да седне во багажникот, затоа што од прозорците не останало простор во кабината. Секако, возачот бил казнет парично за овој сообраќаен прекршок.
