Volvo XC90 е меѓу најбезбедните возила што се нудат на пазарот во САД. Оцената доаѓа од институтот за безбедност во сообраќајот IIHS, добиена откако годинава повторно се воведени построги барања што треба да ги задоволат возилата на тестовите.
Луксузниот СУВ-модел Volvo XC90, вклучувајќи ја и неговата изведба со приклучен хибриден погон, носител е на титулата за Top Safety Pick+ за 2023 година. Институтот за безбедност во сообраќајот IIHS во САД им ја доделува оваа титула на моделите што покажуваат најдобри резултати при тестирањето, вклучувајќи секако краш тест.
Тоа е едно скалило над категоријата Top Safety Pick, во којашто веќе се вбројуваат модели што се издвојуваат во поглед на безбедноста. Институтот годинава повторно ги заостри критериумите што треба да ги задоволат возилата.
Новите барања предвидуваат уште подобра заштита при страничен судир, подобрена заштита за пешаците при налетување возило, како и исклучување на моделите што имаат потпросечни светла.
Во согласност со долгата традиција и вредното искуство што следи со тоа, цел на Volvo е да се спречи човек да биде повреден потешко или за загине во новите модели на шведската марка. Лани Volvo уште еднаш нагласи дека на безбедноста ѝ придава највисока важност, во сите свои активности. „Volvo XC90 докажува и понатаму, година за година, дека се вбројува меѓу најбезбедните возила на патиштата,“ кажува Аса Хаглунд, директорка на центарот за безбедносст на Volvo Cars.
Најголемата промена во критериумите е направена за тестот на страничен судир. Со новите правила, врз возилото влијае за 82 проценти повисока енергија.
Сите возила што постигнаа врвна оцена за безбедноста на IIHS за 2023 година
КОМПАКТНА КЛАСА
Acura Integra
СРЕДНА КЛАСА
Subaru Outback
Toyota Camry 2023
ЛУКСУЗНА КЛАСА
Genesis G90
МАЛИ СУВ
Honda CR-V
Honda HR-V
Lexus UX
Subaru Solterra (electric)
СРЕДНА КЛАСА СУВ
Hyundai Palisade
Kia Telluride
Nissan Pathfinder
Subaru Ascent
Toyota Highlander
Volkswagen ID.4 (electric)
ЛУКСУЗНИ СУВ ОД СРЕДНА КЛАСА
Acura MDX
Acura RDX
Infiniti QX60
Lexus NX
Lexus NX Plug-in Hybrid
Lexus RX
Tesla Model Y (electric)
Volvo XC90
Volvo XC90 Recharge (plug-in hybrid)
МИНИВАНИ
Honda Odyssey
Toyota Sienna
ГОЛЕМИ ПИКАПИ
Rivian R1T crew cab (electric)
Toyota Tundra crew cab
Toyota Tundra extended cab
Top Safety Pick
