за

Јутјубер со 200К следачи поканет во депото на Volkswagen: „Ова е лудо!“

Јутјубер со 200К следачи поканет во депото на Volkswagen „Ова е лудо!“
Јутјубер со 200К следачи поканет во депото на Volkswagen „Ова е лудо!“

Марко Дегенхарт е германски јутјубер посветен на јангтајмери. Volkswagen Classic го покани авто-ентузијастот да го посети депото на марката, кадешто го пречекаа GTI од првата генерација и од сите останати, како и ретки салонски примероци и прототипи. Како посебно изненадување, еден од автомобилите од овој „музеј“ му беше отстапен на Марко на неколку денови. Секако, несекојдневен модел.

Секој автомобилски ентузијаст станува најсреќниот човек на светот буквално уште по преоѓањето на прагот на депото на Volkswagen Classic. Особено овој, што доби покана и чест од германската марка да го посети депото. Марко Дегенхарт е автомобилски ентузијаст, колекционер и автор на каналот на јутјуб Halle77, кој со своите близу 200К следачи ужива висока популарност, имајќи предвид дека во видеата се зборува германски.

Тоа што посебно го привлекува вниманието на автомобилџијата од Дортмунд не е различно од тоа што прво ќе го привлече и секој друг ентузијаст за марката и воопшто за автомобилите. Тоа се моќните и спортски класичари од некогашната моделска понуда на Volkswagen, автомобили за коишто многумина читале во тинејџерските денови или ги гледале на слика. Марко: „Луѓе, видете го ова! Врв! Не можев ниту да претпоставам какви сé автомобили има тука!“

Секако дека во депото на Volkswagen Classic се наоѓа Golf Limited изработен во само 71 примероци – тоа е најексклузивната изведба во историјата на моделот

На фановите на марката не им е потребно дообјаснување за содржината на депото: Passat Variant G60 syncro, eco-Polo, буба со 135 КС тјунирана од Тео Декер, легенда од 1970-те, уште бројни автомобили од рели-трките. Колекционерите би платиле и преплатиле за Golf Limited, изработен во само 71 примероци. Најекслузивната верзија на Golf се препознава по Светиот Грал во маската и истата се монтираше исклучиво рачно во Volkswagen Motorsport.

Германскиот јутјубер имаше и ексклузивна можност да спореди автомобили со временска разлика од 40 години, и тоа не кои било, туку Golf I GTI со последниот GTI TCR. Коментарот: „Се чувствува автомобилот, се чувстува менувачот, нема сервоуправување!“

New photo by Automedia MK / Google Photos

Следат неколку километри со прототип на Golf III со интерна ознака А59. Станува збор за мотор со 275 КС, којшто беше планиран за враќање на марката во Група А во светското рели.

Уште едно вредно доживување е Golf II CitySTROMer – германистите по името веднаш ќе препознаат дека станува збор за електричен автомобил, Strom е струја. За Хер Дегенхарт, тоа е прво седнување зад воланот на електричен автомобил, зад далечниот предок на e-Golf и ID.3. Не е за чудење тоа што Германија има најразвиена тјунинг-сцена: „Да беше мој, веројатно ќе го потспуштев и ќе му монтирав BBS-бандажи.“

Марко го завршил своето школување за автомеханичар во Volkswagen

Марко Дегенхарт има веќе 25 години искуство со Volkswagen. Тој во 1992 година го почнува школувањето за автомеханичар во Volkswagen. На тие времиња, ентузијастот се присетува преку Golf III Ecomatic, со автоматизирана спојка: „Под строг надзор од мојот мајстор, тогаш не можев да ја сватам H-шемата на менувачот, без потреба од користење на педалата за спојката.“

Првиот негов автомобил е Polo I, за по една година да го смени со Polo II со 50 КС. Прв тјунинг-проект на Марко е вградување турбонатполнење во Golf II со 8-вентилски мотор. Германецот активно учествува во трки на четвртина милји со своите актуелни преработки. „Не ми било предизвик да бидам најбрз. Главно ми е уживањето,“ признава тој.

За крај следи вистинско изненадување. Дегенхарт добива Golf Rallye 16V G60 од инвентарот на депото, за неколкудневно тестирање. Оваа варијанта со мотор од Volkswagen Motorsport со 210 КС е изработена во само дванаесет примероци.

New photo by Automedia MK / Google Photos
Volkswagen Golf III A59
New photo by Automedia MK / Google Photos
Volkswagen Golf II Limited
New photo by Automedia MK / Google Photos
Volkswagen Golf II EcoSTROMer
New photo by Automedia MK / Google Photos
Volkswagen Golf Ecomatic
New photo by Automedia MK / Google Photos
Volkswagen Golf Rally 16V G60
New photo by Automedia MK / Google Photos
Volkswagen Golf Rally 16V G60
New photo by Automedia MK / Google Photos
New photo by Automedia MK / Google Photos
Зарем може поинаку, близу 180 илјади прегледи за три недели

 

 

 

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Ford Ranger Raptor ќе добие V8 од Mustang само за Австралија

Ford Ranger Raptor ќе добие V8 од Mustang само за Австралија

BMW прославува во 2020: Првиот „боксер“ проработе пред 90 години

BMW прославува во 2020: Првиот „боксер“ проработе пред 100 години (Прв дел)