за

Volkswagen со два специјални ID.Buzz на празнувањето на Војна на ѕвездите

Два единствени примероци од ID. Buzz се дел од „Star Wars Celebration“ што во моментов се одржува во САД.

За премиерата на новата серија „Оби-Ван Кеноби“, Volkswagen изработи два посебни примероци од ID. Buzz. Едниот е „Light Side Edition“, другиот е „Dark Side Edition“. Автомобилите се дизајнирани заеднички од Volkswagen и Lucasfilm.

Два посебни примероци од новото електрично комби Volkswagen ID. Buzz, што се инспирирани од новата серија „Оби-Ван Кеноби“, дел се од годинешната „Star Wars Celebration“ во Анахајм, Калифорнија (од 26-ти до 29-ти мај).

Двете специјални шоу-возила, ID. Buzz Light Side Edition & ID. Buzz Dark Side Edition, ги прикажуваат светлата и темната страна на моќта. Нивниот дизајн ќе ги одушеви фановите на Војната на ѕвездите. Причината зошто Volkswagen е толку директно вмешан во премиерата: Германската марка е партнер на Lucasfilm во новата серија, којашто токму денес стартува на Disney+.

Дизајнерите посебно се инспириаа од Оби-Ван Кеноби и од Дарт Вејдер, двата иконски ликови во новата серија.

ID. Buzz „Light Side Edition”

New item by Automedia MK / Google Photos

Долната половина од „Light Side Edition“ е обложена со фолија во беж боја, инспирирана од туниката на Оби-Ван Кеноби. Светнатиот хром во горната половина е во стилот на вселенските бродови и дроидите од Универзумот на Војна на ѕвездите. Сината боја по страните на каросеријата го симболизира ласерскиот меч на Оби-Ван. Стаклата се бојадисани сино и во тон се со осветлувањето на просторот околу возилото. На страничните стакла се наоѓаат логоа на Rebel Alliance. Исто и во тркалата од 21 инч се препознава стилот на серијата.

ID. Buzz „Dark Side Edition”

New item by Automedia MK / Google Photos

Како основа за второто возило, ID. Buzz „Dark Side Edition“, служи товарната варијанта ID. Buzz Cargo. Црни и црвени тонови ја прикажуваат темната страна. Фолијата во долната половина на возилото е во сјајна црна боја, додека горната оловина е во мат црна боја. Линиите отстрана, светката, светлечките лајсни и прозорците се лакирани во впечатлива црвена боја. Инспирацијата секако доаѓа од ласерскиот меч на Дарт Вејдер. На тркалата со посебен дизајн и на каросеријата на ID. Buzz се наоѓа логото на Империјата.

New item by Automedia MK / Google Photos
New item by Automedia MK / Google Photos
New item by Automedia MK / Google Photos

Новите ID. Buzz и ID. Buzz Cargo веќе стартуваа со нарачки на главните пазари во Европа.

Volkswagen го ангажира Оби-Ван Кеноби за стартот на електро-комбето ID.Buzz

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Opel Rocks-e доаѓа да гаси прв во случај на пожар во фабриката

Англичаните одушевени од кинеската фанки-кет, преку 6.000 можни нарачки