Германскиот огранок на Toyota им помага на клиентите што имаат претрпено штети од невремето и поплавите во земјата. Увозникот обезбеди 100 возила кај своите договорни партнери во погодените региони.
Сопствениците на автомобил Toyota во регионите што се погодени од силното невреме во неколку германски покраини, можат да се обратат на локалниот дилер за марката и бесплатно да добијат заменски автомобил, доколку сопствениот автомобил повеќе не е во возна состојба.
Преку склучување договор со кредитната банка на Toyota и со осигурителната служба на Toyota, што повеќе е заради правна сигурност, оштетените лица во поплавите можат бесплатно да користат модел Corolla до осум недели. Помошта од Toyota исто така можат да ја користат општините и заедниците. Во случај на користење на нејзините услуги, кредитната банка на Toyota го одложува отплаќањето на кредитот, а осигурителната служба помага за итен надомест на штетата.