Во Казахстан е пуштен првиот суперполнач на Tesla. Тоа е исполнување на ветувањето што го даде Илон Маск, откако при најавувањето на Model Y, некој во публиката извика „Казахстан“, по што шефот на компанијата додаде дека електричната марка има бројни подржувачи во земјата. Откако публиката на тоа реагираше еуфорично, Маск вети дека ќе постави суперполначи во Казахстан.
Човекот што го поттикна овој чин, значаен не само за електромобилноста во земјата, се вика Ануарбек Иманбаев и на неговиот профил на твитер може да се види целата историска заднина на големото достигнување.
Welcome @elonmusk & @Tesla to Kazakhstan! Elon promised and delivered!! First Tesla Supercharger is LIVE and operational #TalanTowers in Nursultan, Kazakhstan. 🇰🇿 #SalemElon #TalanTowers #NurSultan #Kazakhstan #Qazaqstan #Tesla #Supercharger pic.twitter.com/ULdhZXc8hn
— Anuarbek Imanbaev (@anuarbekiman) November 13, 2019
Првите суперполначи во Казахстан се поставени во 280-метарските кули Талан во главниот град Нур-Султан, односно Астана до март годинава. Во станицата се наоѓаат 6 суперполначи, со моќност до 120 киловати, а истата е покриена и со безжична мрежа.
It’s official!! @Tesla Kazakhstan is open for business!! This all started when my friend @elonmusk said he dreams of driving a Tesla from London to Beijing. Kazakhstan is the bridge between Europe & Asia! 🇰🇿 .#SalemElon #TalanTowers #NurSultan #Kazakhstan #Qazaqstan #Tesla pic.twitter.com/fAaO5M4nPT
— Anuarbek Imanbaev (@anuarbekiman) November 14, 2019
Во почетокот можеби се чини безначајно тоа што Tesla отвора претставништво и поставува скапа станица со полначи во големата централноазиска земја и поранешна советска република. Но, овој навидум необичен потег на Илон Маск има огромно позитивно влијание врз имиџот на електричната марка од Калифорнија. Тоа е знак дека Tesla ги слуша желбите на своите обоживатели и ги исполнува ветувањата. Веста го обиколи светот, целата сцена на електромобилноста деновиве зборува дека Tesla пуштила суперполнач во Казахстан.
https://www.facebook.com/talantowers/photos/pcb.2603252586627814/2603387973280942
