Гигафабриката број 4 на Tesla, што е изградена во подрачјето на Гринхајде, на дваесетина километри од германската престолнина Берлин, првично требаше да почне со работа уште лани. Се чекаше одобрение. Калифорнискиот производител се подготвува за голема прослава.
Добри изгледи за германската гигафабрика на Tesla. Како што објави „Тагесшпигел“, се очекува калифорнскиот производител неделава да го добие конечното одобрение. Тоа ќе биде последната голема пречка. Tesla Model Y од германска продукција би можело да стартува со испорака веќе во март.
Се подготвува голема прослава, на којашто секако дека ќе присуствува Илон Маск. Датумот уште не се наведува точно, меѓутоа се претпоставува дека историскиот настан би можело да се случи на 22-ри или 23-ти март. Во полицијата е пријавен настан со 500 поканети гости, a ќе присуствува и политичкиот естаблишмент. Канцеларот Олаф Шолц и министерот за економија Роберт Хабек секако нема да го пропуштат настанот, се спомнува можност да присуствува и министерот за финансии Кристијан Линднер. Сепак станува збор за една од најсовремените фабрики за електрични автомобили во светот, но и за најголем индустриски проект во земјата, што донесува и енергетска пресвртница.
Минаа повеќе од две години, откако извршниот директор Илон Маск во ноември 2019 година првпат објави планови за гигафабриката во Гринхајде. Тоа е прва фабрика на Tesla во Европа. Проблем е тоа што дел од фабриката се наоѓа во подрачје на заштитени води. За фабриката беше извршена шумска сеча на површина од 90 хектари, што предизвика остри критики. Еколозите обвинуваат дека постои опасност од загадување на средината. Покрај тоа, годишната потрошувачка од 1,4 милион метри кубни вода за фабриката е можно да влијае врз снабдувањето со питка вода на целиот регион.
#GigaBerlin
According to a report from the @Tagesspiegel, the final approval of GigaBerlin will be given on Thursday or Friday of next week, unfortunately the article is behind a paywall.
Let's hope that the info is verified. https://t.co/zCXSPqwenT pic.twitter.com/3PNbDvDObI— Gigafactory Berlin News (@Gf4Tesla) February 27, 2022
Првично беше планирано фабриката да почне со работа веќе во јуни лани. Покрај притисоците и тужбите од еколошките здруженија, вина за одолговлекувањето сноси и самата компанија, затоа што беше решено паралелно да се гради и фабрика за батерии.
#GigaBerlin
February 25/2022
+++Friday Update+++
Isolation at the lobby is attached
Walls in the CUB are coming up
More facade elements on the Cell Building.
and more……YT: https://t.co/hWRaZ5emoo pic.twitter.com/rWipwfdXfb
— Gigafactory Berlin News (@Gf4Tesla) February 25, 2022
Според инсајдерски наводи, во гигафабриката веќе се изработени 1.000 возила од претсериско производство, но тие не смее да се продаваат. Во фабриката моментно работат 2.500 лица. Кога ќе бидат впрегнат целосниот капацитет, фабриката ќе вработува 12.000 лица, кои годишно ќе произведуваат половина милион возила. Според германските закони, од добивањето на конечното одобрение, потребно е да минат најмалку уште две недели, додека почне производството на електричните автомобили.
