Илон Маск може да даде знак за отпочување на производството на електрични автомобили во првата фабрика на компанијата на европско тло.
Tesla може да стартува со производство во фабриката што почна да се гради во 2020 година. Официјална прослава за отворањето е планирана за крајот на март, на којашто секако дека ќе присуствува и директорот шефот Илон Маск. Во фабриката во близина на Берлин ќе се произведуваат до 500.000 електрични автомобили годишно.
Пред фактичкото пуштање на фабриката во работа, сепак мора да се исполнат неколку пратечки одредби. Тоа подразбира, на пример, поставување мерни уреди за штетни материи во воздухот, како и уреди за заштита од пожар и незгода.
Конечното решение од Сојузната служба за животна средина на Бранденбург ќе биде издадено накоро. Од денот на објавувањето на одобрението, до издавањето на решението е потребно да поминат две недели, заради инспекција. По извршувањето на инспекцијата почнува нов рок во времетраење од еден месец. Тоа е рок што се дава заради можност за приговори против одобрението.
Das #Tesla-Genehmigungsverfahren ist in mehrfacher Hinsicht ein ungewöhnliches Verfahren, so @Vogel_Axel heute bei der Pressekonferenz. Ich danke den Mitarbeiter*innen im Landesamt für Umwelt für ihren Einsatz stets im Sinne des rechtssicheren Verfahrens.
https://t.co/24F93ujerU pic.twitter.com/XGVKzwbXFe— MLUK Brandenburg (@MLUKBrandenburg) March 4, 2022
Плановите за коишто се одобрува решение се состојат од 536 страници и се однесуваат на погони за производство до 500.000 возила Tesla годишно, на топилница за алуминиум и леарница, на постројки за површинска обработка, производство на топлина и складирање. Во нив е содржано и производство на батериски ќелии, фабричка постројка за третирање на отпадните води, противпожарна станица, магацин со високо складирање, како и лаборатории и работилници.
#GigaBerlin
March 01/2022
today at the construction site:
-equipment delivery to the Cell Building.
-Facade construction is progressing well at the CellBuilding.
-roof work on the CUB.
-asphalting work on the northeast logistics area, (for more #modelY when production starts). pic.twitter.com/sTjU5ZhnYO— Gigafactory Berlin News (@Gf4Tesla) March 1, 2022
Постапката на издавање одобрение за германската фабрика на Tesla „претставува невообичаена постапка од повеќе гледишта“, се наведува во соопштението за медиуми. Сојузната агенција за животна средина проверила и одобрила „во релативно кусо време, не само фабрика, туку цела индустриска зона со повеќе големи постројки и со учество на јавноста“.
Документите за одобрението, заедно со поднесоците, со експертизите и со оцените содржат преку 23.700 страници во 66 класери.
