за

Тесла мора да го отпушти секој десетти вработен

Тесла има намера да отпушти повеќе од 10 проценти од својата работна сила, објави техно-порталот Електрек, повикувајќи се на интерен документ.

Фирмата на Илон Маск побарала управителите да ги издвојат важните членови на тимот, ги паузирала премиите од акциите и им го откажала годишниот состанок на дел од вработените.

Според објавата на порталот за технологија Електрек, компанијата предводена од Илон Маск побарала управителите да ги изберат клучните членови во тимот, ја запрела исплатата на премии од акции и го откажала годишниот состанок со дел од вработените. Електрек додава и дека производителот на електрични автомобили од САД ја скусил продукцијата во својата гигафабрика во Шангај.

Најголемиот производител на автомобили во светот, барем според пазарната вредност на компанијата, во декември располагала со работна сила од 140.473 лица ширум светот, според последниот годишен извештај. Планот е да се отпуштат околу 15.000 работници.

„Додека ја подготвуваме компанијата за нашата следна фаза на раст, од исклучителна важност е да се провери секој аспект на компанијата, за смалување на трошоците и за зголемување на продуктивноста,“ пишува Електрек, наведувајќи ја изјавата на Маск во интерен документ.

Тесла треба на 23-ти април да ги објави финансиските резултати за првото тромесечје од годинава. Продажбата во периодот од јануари до март е намалена во споредба со истиот период лани. Тоа се случува првпат во последните четири години и спротивно е од очекувањата на пазарот.

Компанијата во меѓувреме ги откажа и плановите за производство на евтин модел. Со тоа, Тесла напушти една од најстарите цели на извршниот директор Маск, да се произведува електричен автомобил што ќе биде достапен за најширок круг купувачи.

По неколку години брз раст, што овозможи Тесла да стане највреден производител на автомобили во светот, компанијата се соочува со забавување во 2024 година.

Фирмата на Маск доцни со обновувањето на својата понуда од модели. Во исто време, високите камати го смалија апетитот на купувачите за скапи набавки. Како врв на сé, соперниците во Кина, најголемиот пазар за ЕВ во светот, излегуваат со серии нови и поевтини модели.

Тесла бара начини да ја зголеми маржата, којашто е значително намалена по големите поевтинувања на моделите на марката.

Вкупната маржа изнесуваше 17,6 во последното тромесечје лани, што е најниска вредност во последните четири години.

Тесла лани во февруари отпушти 4 проценти од својата работна сила, во рамки на проверката на сработеното и пред вработените да се здружат во работнички синдикат.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Смарт Форту повеќе не се произведува, Мерцедес и Џили работат на наследникот

Пежо Е-3008 освои награда за дизајн Ред Дот