Рускиот автомобилски пазар во мај 84 проценти во минус

На рускиот автомобилски пазар во минатиот месец биле продадени само 24.278 нови патнички автомобили и лесни доставни возила. Во споредба со истиот месец лани, од некогашниот пазар останале само 16,5 проценти.

Во апсолутни бројки, Русија во мај регистрирала 123.110 автомобили и доставни возила помалку во споредба со лани. Голем пад веќе беше регистриран и во март и април. Во статистиката отсуствуваат податоците за продажбата на Mercedes-Benz и BMW, коишто имаат силно присуство на рускиот пазар. Причината за отсуството на податоците за омилените премиум марки во Русија е одлуката на увозниците да ги објавуваат продажбите на ниво на квартал, место на месечно ниво.

Од почетокот на годинава се продадени вкупно 663.312 нови патнички автомобили и доставни возила. Тоа се 52 проценти помалку возила во споредба со истиот период лани. Lada останува најпродаван марка во земјата. Во мај биле продадени 6.012 возила Лада, што е за 84% послабо од лани. Во првите пет месеци, вкупната продажба на Lada достигна 67.230 возила, или за 58 помалку од периодот од јануари до мај во минатата година.

Најчитано

Тест · Renault Austral Techno Esprit Alpine 160

Втора најпродавана марка е Kia, којашто со години ужива висока позиција на пазарот. Во мај се продадени 3.606 возила од корејската марка. Следи Hyundai со 2.916 возила. Четврта најпродавана марка е GAZ, благодарение на популарноста на своите доставни возила, а петти е Renault, со 1.789 возила. Французите неодамна се откажаа од фабриката во близина на Москва, како и од учеството во Автоваз, производителот на Лада.

Најпродавани модели во Русија во мај