за

Renault Captur доби спортска изведба R.S. Line

Renault ја свежи гамата на кросоверот, како новина пристига изведба R.S. Line со спортски стил и неколку екстра ставки во опремата.

Уште една моделска изведба што се повикува на традицијата на Renault во мотоспортот. Првпат во гамата на кросоверот Captur е достапна изведба R.S. Line, којашто со стилот го следи духот на вистинските RS-модели, но е достапна со стандардните мотори.

Моделската изведба R.S. Line пристига како новина во гамата на Renault Captur. Нагласокот е ставен на динамиката во изгледот и на спортскиот стил во внатрешноста. Спортската изведба доби преден браник со спојлер во стил на F1 и со маска со саќеста решетка, со сив дифузор назад, дополнително затемнети задни стакла, двојна хромирана издувна цевка и алу-тркала од 18 инчи со дизајн Le Castellet. Секако не недостига беџ R.S. Line на багажникот.

По средината на седиштата минуваат шест црвени линии, а како класика, седиштата се штепувани со конец во црвена боја. Во истиот стил продолжува воланот со перфорирана кожа и со црвено-сиво штепување. Француските стилисти додале и плочки на праговите и црвена лента во отворите за воздух. По целиот кокпит минува и украсна лајсна со изглед на карбон.

Стандардна опрема се дигитални инструменти од 10 инчи, паркинг сензори напред и назад, плус камера, безжичен полнач за телефон и електрохроматски внатрешен ретровизор. Captur R.S. Line е достапен со моторите TCe 140 и E-Tech Plug-in 160.

New photo by Automedia MK / Google Photos
New photo by Automedia MK / Google Photos
Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Toyota најавува електричен СУВ за салонот во Шангај

забрана дизел франкфурт, евтини дизели

Повеќе држави на ЕУ бараат краен рок за обичните мотори