Дачиа Сандеро си го врати местото на врвот, како најпродаван автомобил во Европа, во октомври, откако Тесла Модел Ипсилон, шампионот од септември, во минатиот месец падна дури на 32-то место. Тоа го покажуваат првичните податоци од пазарните аналитичари Датафорс.

Сандеро, модел од градската класа на романската марка на групацијата Рено, годинава се искачи на врвот во седум од 10 месеци, со продадени вкупно 224.875 примероци. Тоа е за 14 проценти над продажбата во истиот период лани.

Фолскваген Голф е на второто место и заостанува со околу 43.000 примероци, иако германскиот компакт годинава ја зголеми продажбата за 21 проценти.

Сандеро во октомври изгуби 2,2 проценти од продажбата во истиот месец во 2022 година, со 21.266 возила, но пак има предимство од околу 1.600 продажби пред второпласираниот модел во октомври, Пежо 208. Неговата продажба во минатиот месец пораснала за 40 проценти, достигнувајќи 19.634 примероци.

Францускиот модел има предимство од само 115 примероци пред Фолксваген Тигуан, според податоците коишто претставуваат 97 проценти од продажбата во Европската Уинија, ЕФТА и ОК. Уште три пазари ги немаат доставено продажбите: Хрватска, Унгарија и Португалија, така што е можно да се сменат местата.

Сите модели во европскиот топ 10, со исклучок на Сандеро, ја зголемиле продажбата во споредба со октомври 2023. Меѓу нив предничи Тигуан, чијашто продажба порасна за 58 проценти, откако Волфсбург годинава ја пушти новата генерација. Истото важи за Тојота Јарис, со раст од 48 проценти, додека десеттопласираната Дачиа Дастер, напредуваше за 41 проценти, со почетокот на продажбата на новата генерација.

Надвор од Топ 10, најголем напредок има постигнато БМВ Икс 1, којшто се нуди со бараната изведба со приклучен хибриден погон и со целосно електричен погон. Неговиот раст е 53 проценти, тој се наоѓа на 15-то место. Шкода Ениак напредуваше за 38 проценти, до 21-то место, а Џип Авенџер ја зголеми продажбата за 39 проценти и се најде на 34-то место.

Сандеро и Фолксваген Голф се лидери во продажбата за 10 месеци

Сандеро го задржа првото место со продадени 224.575 возила за 10 месеци, и пак по него е Голф со продадени 181.927 примероци. Следат Рено Клио (178.584) и Фолксваген Т-Рок (170,931).

Понатаму следат големи разместувања, со искачувањето на Пежо 208 (166.232 возила) од седмото на петтото место, заземајќи го местото на Модел Ипсилон (164.123 возила), којшто сега е на 6-то место. Тојота Јарис Крос се спушти едно место и со 162.920 возила е 7-ми нбајпродаван модел во Европа до октомври.

Марките Фолксваген и Тојота имаат по шест модели во Топ 50, по нив е Шкода со пет модели.

Топ 50 најпродавани модели во Европа во октомври 2024