Откако се потврди како португалски шампион во 2021, 2022 и 2023 година, Пежо 2008 по првите три месеци од годинава повторно е на врвот на важниот пазар под Пиринеите. На славењето се придружува и Партнер, како најпродавано доставно возило, којшто е практично домашен автомобил.
Со регистрирани 2.378 примероци во првото тромесечје од 2025 година, Пежо 2008 повторно е прв избор на возачките и возачите во Португалија. Тоа одговара на пазарен удел од 4,1 проценти од целиот автомобилски пазар во земјата.
Секако дека 2008 е водечки и во својот сегмент, без разлика дали статистиката го води како модел од Б-сегментот, заедно со класичните градски модели, или поконкретно како модел од Б-СУВ сегментот. Во првиот случај, на францускиот СУВ му припаѓаат 8 проценти од сегментот, односно 14,3 проценти од Б-СУВ сегментот.
Секој петти нов електричен автомобил во Португалија е Пежо Е-2008
Електричната изведба ја заокружува 2008-ката во улогата на португалска миленичка во првото тромесечје од 2025 година. Неа ѝ припаѓаат 21,5 проценти од продажбата, односно повеќе од една петина од пазарот на електрични модели во земјата.
Во земјата со многу сонце – и производство на енергија од сонце – и испочитувана природна средина, имаат смисол електрифицираните автомобили. Дури 61,8 проценти од вкупната продажба на Пежо 2008 од јануари до март им припаѓаат на изведбите со целосно електричен или благ хибриден погон.
Убави вести доаѓаат и од Пежо Партнер, којшто воедно се произведува во Португалија
Пежо се држи одлично и на пазарот на доставни возила. Од 2017 година наваму, француската марка е на 1-во место во сегментот на лесни товарни возила, односно главно фургони за достава.
За три месеци се регистрирани 1.475 примероци од Партнер со печат на „Мејд ин Мангуалде“. Тоа одговара на пазарен удел од 19,3 проценти, односно петина од пазарот.
Електрификацијата важи и тука. Е-Партнер постигна удел од 21,6 проценти во продажбата на БЕВ-модели во сегментот на лесни товарни возила.
Според фабрика, електричната изведба на Партнер минува до 330 километри со едно полнење. Притоа останува непроменета зафатнината на товарниот простор од 4,4 метри кубни, во комбинација со носивост од 780 килограми.
