Опел ја заврши ’23 со две дузини титули на автомобил на годината

Минатата година несомнено беше голема за Опел. Студијата Експериментал го навести скорашното доаѓање на новиот знаменосец на местото на Инсигниа, важна премиера имаше електричната Астра, додека електричната Корса продолжи да ги урива предрасудите за овој погон, со рели-купот што се одржуваше трета година. Сето тоа беше заокружено со преку 20 титули на автомобил на годината.

Признание за целата марка пристигна од Велика Британија, каде што локалниот Воксхол беше прогласен за „производител на годината“. Уште една титула во истата насока беше „Производител за возен парк на годината“. Новата генерација на Опел Астра освојуваше наслови на „Најдобар автомобил на годината“ во повеќе земји и во повеќе категории.

Не изостанаа наградите и за градскиот модел, за Опел Корса. Годината ја завршија со награди и останатите модели, меѓу кои беа највпечатливи триумфите на Рокс Електрик, Мока Електрик и Виваро.

По освојувањето на „Златен волан за 2022 година“, во избор на Ауто Билд и најтиражниот германски неделник Билд ам Зонтаг, Астра продолжи да пишува важни историски поглавја и лани, со премиерата на Астра Електрик, со целосно електричен погон. Риселсхајм го нуди и комбито од Астра Спортс Турер во електрична изведба.

Астра не ги освојува симпатиите само на домашниот пазар, туку и ширум Европа. Во изборот на „Карвау Авордс“, Астра во Шпанија беше избрана за „Најдобар компактен автомобил“. Награди со истата тежина следеа и во Португалија, Грција (семеен автомобил), Израел и Велика Британија (компактен автомобил).

Експертите за дизајн во минатата пролет го оценуваа изгледот на Астра, од што произлезе наградата „Ред Дот за 2023“ во категорија на дизајн на производ. Автомобилистите од Исланд двапати се решаваа за врвниот модел во гамата, за Астра ГСе, со приклучен хибриден погон: Еднаш за „Најдобар автомобил за по асфалт“, еднаш за „Службен автомобил на 2023 година во средна/висока категорија“.

Најважните награди за Опел во минатата година