за

Mokka-e му го донесе 19-от „Златен Волан“ на Opel

Денес на автомобилската сцена победуваат модели што се храбри, несекојдневни и не испуштаат штетни гасови. Електричнaта Opel e-Mokka му донесе уште еден златен волан на Opel.

Opel дури 19 пати досега добивал „Златен волан“ за своите модели. Електричната Mokka-e се докажа како најдобар избор во категоријата на автомобили со цена до 25.000 евра во традиционалниот избор на „Auto Bild“ и на „Bild am Sonntag“.

Електричната изведба на Opel Mokka продолжува по стапките на електричната изведба на Opel Corsa и на германскиот производител и годинава му донесе титула „Златен Волан“ во категоријата за најдобри автомобили со цена до 25.000 евра – електричната Mokka-e се квалификува за оваа ценовна категорија, затоа што германските власти одобруваат субвенција во висина од преку 9.000 евра за автомобили на струја.

Mokka-e, исто како и Corsa-e, уште од старт се докажа како бестселер во пазарниот сегмент на електрични автомобили. Претходно уште еден модел на Opel на струја беше награден со престижната и една од најпознатите титули на автомобилската сцена, со „Златен Волан“. Тоа беше Opel Ampera-e во 2017 година. Со победата на СУВ-изведбата врз основа на Corsa-e се докажа и дека експертите и читателите во изборот на магазинот Auto Bild и на најтиражниот европски неделник Bild am Sonntag, посебно го ценат електричниот погон.

„Нашата Opel Mokka-e е сé – единствено не е обична. Тоа уште еднаш се докажа на овогодишниот ‘Златен волан’. Со најсовремени технологии и со својот бескомпромисен дизајн, електромобилноста донесува задоволство во секој поглед. Посебно нé радува тоа што клиентите, читателите на AUTO BILD и BILD am SONNTAG, стручното жири и редакцијата, размислуваат исто како ние“, изјави извршниот директор на Opel, Уве Хохгешурц. Свеченото прогласување на победниците во изборот се одржа синоќа во зградата на издавачката куќа Axel Springer во Берлин.

Освен со изгледот и со воведувањето на Opel Vizor како заштитен белег на марката, Mokka-e се издвојува и со перформансите. Електромоторот со 136 КС и 260 њутнметри, во комбинација со батерија од 50 kWh и досег до 338 km, гарантира и динамично возење, но и секојдневна применливост блиска до автомобилите со обичен погон. Доколку има на располагање брз полнач со моќност од 100 kW, полнењето на батеријата до 80% ќе трае само 30 минути. Со т.н. бонус за животна средина, Opel Mokka-e во Германија стартува од 24.540 евра.

Opel и „Златниот волан“: Сите победнички модели од Риселсхајм

Opel Mokka-e продолжува долга низа од победнички модели на Opel во изборот за „Златен Волан“. Истиот се одржува уште од 1976 година во организација на издавачката куќа Axel Springer, а од 2009 година се одвива и соработката со Auto Bild. Во 45-те години на изборот, модели на Opel победувале 19 пати.

1978: Opel Senator A

1979: Opel Kadett D

1981: Opel Ascona C

1982: Opel Corsa A

1984: Opel Kadett E

1987: Opel Senator B

1990: Opel Calibra

1994: Opel Omega B

1995: Opel Vectra B

1999: Opel Zafira A

2002: Opel Vectra C

2005: Opel Zafira B

2009: Opel Astra J

2010: Opel Meriva B

2012: Opel Zafira Tourer

2015: Opel Astra K

2017: Opel Ampera-e

2020: Opel Corsa-e

2021: Opel Mokka-e

>>> Тест на Аутомедиа: Колку корист од брзото возење?

opel mokka тест на потрошувачка аутомедиа
opel mokka тест на потрошувачка аутомедиа

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

На Toyota GR Yaris ѝ се позлати воланот: Најдобра до 35.000€

Новиот спортски херој од Porsche: Cayenne Turbo GT