Вроцлав е втор град во Полска, по Гдинја, во којшто ќе возат електрични градски автобуси на Mercedes-Benz.
Единаесет зглобни автобуси Mercedes-Benz со погон чисто на електрична енергија, од типот eCitaro G, ќе превезуваат патници во полскиот град Вроцлав, тивко и без штетна емисија. Автобусите ќе бидат испорачани во третиот квартал од следната година и ќе бидат во служба на градското претпријатие за јавен превоз.
Електромоторите на единаесетте нови eCitaro G црпат енергија од никел-манган-кобалт батерии (NMC) од втора генерација. Оваа батериска технологија одговара подеднакво и за ноќно полнење во депо и за полнење на брзи полначи со еднонасочна струја. Автобуси на Mercedes-Бenz во повеќе градови ширум Европа веќе ја користат оваа технологија.
Благодарение на високиот капацитет од 396 kWh, претпријатието за јавен превоз може времетраењето на користењето на автобусите и на полнењето на батериите да го одредува според потребите и условите. Автобусите во иднина ќе се полнат и во депо преку ноќ, и додека превезуваат на линија, со помош на пантографот што е поставен на покривот.
Управувањето со температурата помага да се продолжи досегот
Меѓу посебностите на eCitaro спаѓа управувањето со температурата, што придонесува да се зголеми досегот и лете и зиме. Покрај автоматското одржување на температурата во патничкиот простор, термоменаџментот се грижи и за батеријата. Системот за ладење и греење се базира на топлинска пумпа на СО2, којашто е поврзана со системот за водено ладење. Пумпата се грижи за намалена потрошувачка на енергија, во споредба со обичен вентилатор со грејач.
Верзијата Citaro со обичен погон веќе со години е дел од превозот во Вроцлав.
Taking initial steps towards #emissionfree bus transport: The city of Wroclaw, Poland, has ordered 11 all-electric @MercedesBenz eCitaro G buses 👉 https://t.co/4NhBVnZV9H#emobility #FutureofMobility ⚡ pic.twitter.com/W3Srt3Ia2L
— Daimler Truck (@DaimlerTruck) March 18, 2022
Wrocław kupił 11 pojazdów elektrycznych. Takie autobusy będą nas wozić już w przysz #mercedes #mpk #MpkWroclawhttps://t.co/au90TpBkDA
— Wroclife (@Wroclife) March 8, 2022
