за

Електричен Mercedes eActros разнесува пиво во Минхен

Производителот на познатите пива Paulaner е последен што го тестира електричниот Mercedes eActros, пред моделот наскоро да влезе во сериско производство.

Електричен камион eActros минува дневно по неколку стотини километри во регионот на Минхен во дистрибуција на пивото Paulaner. Производителот на познатите пива е последен клиент што го тестира електричниот камион. Mercedes во втората половина од годината веќе започнува со сериско производство на Actros на батерија.

Компанијата Paulaner, производител на истоимената марка пива, користи електричен камион Мercedes eActros за превоз на буриња и гајби пиво до рестораните и до продавниците за пијалоци во поширокиот регион на баварскиот град Минхен. Големиот камион на струја е задолжен и за превоз на рекламни материјали и инвентар за настаните што се одржуваат во регионот.

Електричниот камион ја почнува турата во седиштето на компанијата во Грефелфинг, во периферијата западно од Минхен, и дневно минува до 200 километри. Батеријата потоа се полни преку ноќ на полнач во компанијата.

Втората фаза на тестови на eActros кај клиенти започна во 2020 година. Веќе во втората половина од годинава се очекува старт на сериското производство во фабриката Верт. Освен во Германија, камионите се тестираат во уште неколку европски држави.

Погонот на прототипот на eActros го сочинуваат два електромотори од по 126 kW, со максимален вртежен момент од по 485 њутнметри. Батеријата има капацитет од 240 киловатчасови.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Volkswagen Polo го доби стилот на Golf 8

Škoda Fabia во дизајнерски скици пред премиерата