Од утрешниот ден, Daimler AG и официјално се збогува со досегашното име и преоѓа во Mercedes-Benz Group AG. Тоа е конечниот исход од темелните промени во рамките на коцнернот, што ги презеде шефот Ола Келениус.
Со првиот ден од месец февруари ќе заврши големата серија промени во концернот Daimler AG, којашто започна кон крајот на минатата година, кога Mercedes-Benz, Freightliner, Setra и останатите камионски и автобуски марки се издвоија во Daimler Truck. Оттогаш фигурираат две посебни претпријатија, што секое за себе котира на берзата. Mercedes-Benz ги вклучува сите патнички автомобили и ванови на некогашниот концерн.
Швеѓанецот Ола Келениус, кој е на чело на компанијата од мај 2019 година, како наследник на Дитер Цече, цени дека користењето на името на марката со огромна традиција, за ново име на компанијата, ќе придонесе за зголемување на атрактивноста на истата: „Забележуваме дека интересот за Mercedes е зголемен во последните 12 до 18 месеци“, коментираше шефот.
Групацијата на Mercedes-Benz ги опфаќа автомобилските марки Mercedes-Benz, Mercedes-AMG, Mercedes-Maybach, Mercedes-EQ, како и услугите mercedes me, Athlon, Mercedes-Benz Financial Services и Mercedes-Benz Bank
Цел на Келениус е Mercedes-Benz да се етаблира како луксузна марка. Топ-менаџерот гледа уште голем потенцијал за развој на вредноста на акциите на компанијата. Од вторник (1-ви февруари 2022), Mercedes-Benz Group AG ќе биде внесен во трговскиот регистар. Во автомобилскиот огранок на Daimler што досега се водеше под Mercedes-Benz Cars & Vans, вработени се околу 170.000 лица.
With a name that stands for itself, we focus on building the world’s most desirable cars in the luxury and premium segment. Ready for a new era as Mercedes-Benz Group AG.
📷 @ph_Pics for #MBcreator#MercedesBenz #renaming pic.twitter.com/x0qVUwK2rB
— Mercedes-Benz (@MercedesBenz) January 31, 2022
Експертите отсекогаш ја ценат марката Mercedes-Benz посебно. Во минатата година, американската консултантска компанија Interbrand ја процени вредноста на марката на 51 милијарди долари, односно околу 46 милијарди евра. Во автомобилската бранша, единствено јапонскиот конкурент Toyota котира повисоко. Први на листата се американските компании Apple и Amazon.
Внатрешните подготовки за преименувањето беа завршени уште во саботата. Концернот притоа му оддаде чест и на автомобилскиот пионер Карл Бенц, кој пред 136 години, на 29-ти јануари 1886 година, го регистрираше патентот за првото моторно возило во историјата.
This is DAY ONE. With the renaming of our parent company, we are embarking on a new era as Mercedes-Benz Group AG. With a strong team, we will tackle the opportunities offered by the transformation of the automotive industry and fully exploit our strengths. Are you ready? pic.twitter.com/wpq7YLeqly
— Mercedes-Benz (@MercedesBenz) January 29, 2022
Со последната промена на името на фирмата се посочува на динамичната историја на компанијата. Близу сто години се поминати, откако во јуни 1926 година, Daimler-Motoren-Gesellschaft се спои со Benz & Cie., со учество на Deutsche Bank.
Во 1990-те години, менаџментот во Штутгарт, под раководство на тогашниот шеф Јирген Шремп, ја формираше DaimlerChysler AG, заедничка компанија со американскиот Chrysler. Откако германскиот производител се откажа од главнината од акциите во Chrysler, во 2007 година името на компанијата се смени во Daimler AG.
>>> Mercedes-AMG SL со потпис на Славче Таневски е „сон на соништата на секој дизајнер“
