Јавниот превоз во регионот на Руан во Нормандија го сочинуваат повеќе од 200 автобуси. Регионот со околу половина милион жители го покриваат обични автобуски линии, училишни автобуси, брзи автобуски линии, BRT систем, ноќна автобуска линија, една врска со метрото и пет линии за превоз по повик. Целиот овој возен парк годишно минува повеќе од 18 милиони километри.
Десетте нарачани електрични автобуси Mercedes-Benz eCitaro совршено се вклопуваат во оваа средина. Возилата ќе бидат испорачани во текот на летово. Нарачката се состои од осум единечни автобуси со NMC-батерии од најнова генерација, со капацитет од по 396 kWh, како и два единечни автобуси со иновативни батерии со цврст електролит (капацитет 441 kWh). Автобусите ќе ја полнат батеријата во депото во Руан.
Три врати со двојна ширина обезбедуваат брз промет на патници на станиците. Внатрешноста ги пречекува патниците со привлечен амбиент. Подот е во графитно црна боја, седиштата се обложени во сива боја, а држачите се сини. Вградени се USB-приклучоци за полнење.
Автобусите возат чисто и безбедно. Во богатата опременост на eCitaro меѓу другото спаѓа активен асистент за сопирање, како и предупредување за пешак или велосипедист при скршнување на крстосница – Sideguard Assist. На сите автобуси е поставен натпис дека станува збор за целосно електричен погон.
>>> Бретања нарача 92 електрични автобуси Mercedes eCitaro
